ادەبيەت • 06 قاراشا، 2020

ءار ولەڭ – ءبىر الەم

108 رەت كورسەتىلدى

ايبەرگەنوۆتىڭ ەسىمى الاش اينالاسىنا عانا ەمەس، ادامزاتقا ورتاق. بۇنى ءبىز تولەگەننىڭ تاڭعاجا­يىپ جىرلارى قاراقالپاق تىلىن­دە كىتاپ بولىپ جارىق كوردى دەگەن اقجولتاي حاباردى وقىعاندا ويلادىق.

جاعىمدى جاڭالىقتى اقىن باۋىر­جان باباجان ۇلى جەتكىزدى. ء«ارمان بۋلاعى» دە­گەن جيناق تۋرالى «جەتى جۇرت» گازەتى سۇيىنشىلەپتى. اڭ­گىمە­نىڭ القيسساسىن «وتانعا، تۋعان ەلگە سۇيىس­­پەنشىلىگىن، زامانداستارىمىزدىڭ رۋ­حاني سەزىم بايلىعىن، ىزگى تىلەۋ، اق نيە­­تىن جارقىراتا اش­قان جانە قازاق پوەزيا­سىنا وزىن­دىك جاڭا ىرعاق، تەگەۋرىندى ەكپىن اكەلگەن ەرەكشە اقىن تولەگەن ايبەر­­گەنوۆتىڭ ءبىر توپ ولەڭدەرى ء«ارمان بۋ­لاعى» دەگەن اتپەن قاراقالپاق تىلىن­دە كىتاپ بولىپ باسىلدى» دەپ باستاعان گازەت جاڭا جيناقتىڭ نۇكىس قالاسىنداعى «بيليم» باسپاسىنان جارىققا شىق­قانىن جازىپتى.

بۇل جيناق تولەگەن اقىن­نىڭ «ارمان ساپارى»، «ومىر­گە ساياحات»، «قۇمداعى مۇ­نارالار»، «مەن ساعان عاشىق ەدىم»، «امانات»، ء«بىر تويىم بار» سياقتى كىتاپ­تارىنىڭ قاتارىنا قاراقالپاق تىلىندە قاتتالىپ قوسىلىپ وتىر.

اتالعان باسىلىمعا ءسۇ­يىنشى جاڭا­لىقتى وز­بەك­ستان جۋرناليستەرى شى­عار­ماشىلىق وداعى قارا­قال­پاق­ستان ءبولىمىنىڭ باسشىسى كەڭەسباي رەيموۆ حابارلاپتى. جالپى، قاراقالپاق توپىراعى ايبەرگەنوۆكە ايرىقشا ىس­تىق ەكەنىن بىلەمىز. جىرلارى قان­داي جاسىن بولسا، سول ناي­زاعايلارداي جارق ەتىپ ومىر­دەن وتكەن ءور اقىننىڭ ولەڭ­دەرى قاي تىلگە اۋدارسا دا قۇنىن جوعالتپايدى.

ولە بەرسىن كۇنشىلدەر

                                 كۇيىگىندە،

ءوز عاسىرىم ءوزىمنىڭ يىنىمدە.

اق جاڭبىرلار توزدىرعان

                                  تاۋ سياقتى،

مەن ولەمىن ءوزىمنىڭ بيىگىمدە،

– دەپ جىرلاعان اقىن ەشقاشان ولگەن ەمەس. ونىڭ رۋحى وسىنداي ومىرشەڭ تۋىن­دىلارى باردا ماڭگى ءتىرى. شايىردىڭ ءار كىتابى جارقىراپ جارىققا شىققان سايىن ونىڭ جاڭا تىنىسى اشىلادى. ءار ولەڭى ءبىر الەم بىرەگەي اقىننىڭ بۇل كىتابى قاراقالپاق جۇرتىنىڭ قىمبات قازىناسىنا اينالارى ءسوزسىز!

 

سوڭعى جاڭالىقتار

اتىراۋ وبلىسىندا 77 براكونەر انىقتالدى

ايماقتار • 23 قىركۇيەك، 2022

نوۆاك دجوكوۆيچ قازاقستانعا كەلەدى

تەننيس • 23 قىركۇيەك، 2022

اتىراۋدا قوناقۇيدەن ءورت شىقتى

وقيعا • 23 قىركۇيەك، 2022

ۇقساس جاڭالىقتار