اقتاۋ قالالىق پروباتسيا قىزمەتىنىڭ قىزمەتكەرلەرى ء«بىز ادامدارمىز – ءبىز بىرگەمىز» قوعامدىق قورىمەن جانە قازاقستان ەرىكتىلەرى ليگاسىمەن بىرلەسىپ, «شانس» قوعامدىق قورىنىڭ جانۋارلاردى ۋاقىتشا ۇستاۋ ورتالىعىندا كەزەكتى سەنبىلىك وتكىزدى.
– قالا ەرىكتىلەرى, پروباتسيا قىزمەتكەرلەرى الەۋمەتتىك جۇمىستىڭ ءارتۇرلى باعىتتارى بويىنشا تۇراقتى تۇردە قوعامدىق ءىس-شارالارعا بەلسەندى قاتىسادى. ماسەلەن, اقتاۋ قالالىق پروباتسيا قىزمەتىنىڭ ەسەبىندە تۇرعان سوتتالعاندار يتتەرگە ارنالعان ۇيشىك دايىنداپ, قوعامدىق قورعا تابىستادى جانە تاعى ءبىر ۇيشىك دايىندالۋدا. سونداي-اق پروباتسيا قىزمەتكەرلەرى قاقپالار مەن جانۋارلاردىڭ جارامسىز قورشاۋلارىن دانەكەرلەدى. ال ء«بىز ادامدارمىز – ءبىز بىرگەمىز», «قازاقستان ەرىكتىلەر ليگاسى» قوعامدىق قورلارىنىڭ ەرىكتىلەرى اعاش ۇيشىكتەردى جوندەپ, اۋماقتى تازالادى جانە جانۋارلارعا جىلۋلىق سىيلاۋدىڭ وزىق ۇلگىسىن كورسەتتى. ەرىكتىلەر جىلى قوعامداعى ءتۇرلى سالالارعا قوزعاۋ سالدى جانە كەلەسى جىلى قۇقىق قورعاۋ ورگاندارى مەن ازاماتتىق قوعام ودان ءارى تىعىز بايلانىستى نىعايتادى دەگەن ۇمىتتەمىز, – دەيدى ماڭعىستاۋ وبلىسى بويىنشا قاج دەپارتامەنتى پروباتسيا قىزمەتىنىڭ باستىعى عابيت چۋتابەكوۆ.
ەل اراسىندا ەسەلى ەڭبەك ەتىپ جۇرگەن ەرىكتىلەردىڭ جان-جانۋارلارعا جاقسىلىق جاساۋى بۇل ىستەرمەن شەكتەلىپ قالمايدى جانە پروباتسيا قىزمەتكەرلەرى دە بۇل ىزگى شارالاردان تىس قالماق ەمەس.
ماڭعىستاۋ وبلىسى
