القيسسا... وسىدان 5 جىل بۇرىن, ياعني 2015 جىلى ايدىن ءوزى تۇراتىن قالادا «الماتى قايىرىمدى جاندار» توبىن قۇرادى. وعان سەبەپشى بولعان – اجەسى لەنا. كەيۋانانىڭ: «تاعدىرى اۋىر زامانداستارىمنىڭ كوڭىلىن كوتەرىپ, ولاردىڭ باسىن ءبىر قوسايىقشى...» دەگەن ءسوزىن جەرگە تاستاماي, ءوزى سەكىلدى جىگىتتەر مەن قىزداردىڭ كومەگىمەن داستارقان جايۋدى قولعا الادى. كەيىن بۇل يگى ءۇردىس نۇر-سۇلتان, اقتاۋ, شىمكەنت, تاراز قالالارىندا جالعاسىن تابادى. ءبىزدىڭ اقتوبەدە دە 2016 جىلى وسىنداي كلۋب قۇرىلادى.
– قازىرگى تاڭدا ەلىمىزدەگى ۇلكەندى-كىشىلى 20 قالادا ءبىز سەكىلدى قايىرىمدى جانداردىڭ توبى بار. ماقساتىمىز – از قامتىلعان, كوڭىلى جۇدەۋ ادامداردىڭ باسىن قوسۋ, كەز كەلگەن قيىندىقتىڭ ۋاقىتشا ەكەنىن ءتۇسىندىرۋ, ولارعا قولدان كەلگەنشە كومەكتەسۋ. ءبىزدىڭ وزگە توپتاردان ايىرماشىلىعىمىز – ەشكىمگە اقشالاي جاردەمدەسپەيمىز, اراسىندا تەك ازىق-ت ۇلىك تاراتامىز. ەڭ باستى جوبامىز – داستارقان جايۋ. ياعني جىلىنا ءۇش رەت مەيرامحانادا 200-250 ادامدى جيناپ, مەرەكەلىك كەشتەر وتكىزەمىز. ءبىرىنشى كەزەكتە اتا-اجەلەرگە, مۇمكىندىگى شەكتەۋلى ازاماتتارعا, سوسىن اتا-اناسىنان ايىرىلعان بالالارعا وسىنداي قامقورلىق كورسەتەمىز, – دەيدى «اقتوبە قايىرىمدى جاندار» ۆولونتەرلەر توبىنىڭ جەتەكشىسى اسەم جۇماباەۆا.
كوپشىلىككە «100 اتا-اجە كەشى», «ناعىز باتىرلار كەشى», «ەرتەگى الەمى كەشى» اتاۋلارى تانىس بولار؟ بۇل – جوعارىدا ايتىلعان كەشتەردىڭ تاقىرىپتارى. ۆولونتەرلەر بىلتىر تاعى ءبىر جوبانى ىسكە اسىرعان. ول «اناعا تاعزىم» دەپ اتالادى. قايىرىمدىلىق كەشكە جالعىزباستى, كوپبالالى انالار قاتىسادى. ارتىنشا ءازيز تىلەكتەر ايتىلىپ, قۇران وقىتىلادى. جينالعاندار ءبىر-بىرىمەن تانىسىپ, بيلەپ, ءان شىرقايدى.
اسىلى, قازىرگى تاڭدا اش جۇرگەن ەشكىم جوق, تەك حال سۇراسىپ, شەر تارقاتىپ, جالپى كوڭىل سەرگىتۋدى قۇنتتاي بەرمەيتىنىمىز راس. ۇيىمداستىرۋشىلار كۇندەلىكتى كۇيبەڭ تىرشىلىك, قىم-قۋىت شارۋالار مەن جۇمىسباستىلىقتان باسقاعا مويىن بۇرا بەرمەيتىن ومىرىمىزدە وسى ءبىر ولقىلىقتى بارىنشا تۇزەۋگە تىرىسىپ-باعىپ ءجۇر...
– توبىمىزدا 50 شاقتى ادام بار. ولاردىڭ 80 پايىزى – ستۋدەنت جاستار. تەك كامەلەت جاسىنان اسقانداردى قابىلدايمىز. مۇقتاج جاندارعا كومەكتەسكەندىكتەن, ۆولونتەرلەردىڭ وزدەرى قاي جاعىنان دا مىقتى بولۋى كەرەك. ءبىرىنشى كەزەكتە, ارينە, رۋحتى ايتىپ وتىرمىن.
باستى تالاپ – ءار مۇشەمىز الگىندە ايتقان تاقىرىپتىق كەشتەرگە بيلەتتى وتكىزۋى قاجەت. سول ارقىلى ولار وزدەرىمەن قوسا بىرنەشە ارناۋلى توپتاعى ادامنىڭ شارامىزعا قاتىسۋىنا مۇمكىندىك جاسايدى. ءار بيلەتتىڭ باعاسى – 3 مىڭ تەڭگە. ۆولونتەرلەردىڭ اراسىندا ءبىزدى قارجىلاي قولداپ, بىراق وتىرىسىمىزعا كەلمەيتىندەر دە كەزدەسەدى. ياعني ولار وزگەلەرگە كورىنگەندى, جاريالى تۇردە جاردەمدەسكەندى ونشا كوپ قالامايدى. نەگىزىنەن ەرىكتىلەردىڭ كوپشىلىگى ءوزىمىز سياقتى قاراپايىم جاندار. ارقايسىسىندا تەك «باسقالارعا قولۇشىن سوزسام» دەگەن نيەت-تىلەك بار, – دەيدى اڭگىمەلەسۋشىمىز اسەم.
«اقتوبە قايىرىمدى جاندار» توبىنىڭ وكىلدەرى مەرەكەلەر قارساڭىندا كومەككە ءزارۋ ادامدارعا سىي-سياپاتتار جاساپ, اراسىندا ءۇي-جايى جوق, دالادا جۇرگەندەرگە ىستىق تاماق تا تاراتادى.
– تۇراقتى تۇردە ەشكىمگە كومەكتەسپەيمىز. سەبەبى ادامدار جاقسى نارسەگە تەز ۇيرەنەدى, سوعان قالىپتاسىپ كەتەدى. سوندىقتان كەز كەلگەنىنە ء«بىزدىڭ اسىپ-تاسىپ بارا جاتقان بايلىعىمىز جوق, تەك جاقسىلىق جاساۋعا قۇشتارمىز. جاعدايى قيىن باسقالاردىڭ دا بارىن ۇمىتپاڭىز» دەپ ەسكەرتەمىز, – دەپ اڭگىمە اراسىندا سىر شەرتتى توپتىڭ جەتەكشىسى.
ءبىز تىلگە تيەك ەتىپ وتىرعان كلۋبتىڭ العا قويعان جوبا-جوسپارلارى كوپ. سونىڭ ءبىرى كەزەكتى «100 اتا-اجە كەشىن» جاقسى دەڭگەيدە وتكىزۋ. ودان سوڭ باسقا توپتاعى ادامدارعا وسىلاي داستارقان جايۋ.
ايبەك تاسقاليەۆ,
جۋرناليست
اقتوبە وبلىسى
