قازاقستاندا بيىل 396 مىڭ گەكتار القاپقا كۇزدىك بيداي سەبىلدى. اۋىل شارۋاشىلىعى ءمينيسترى اسىلجان مامىتبەكوۆ مۇنىڭ جوسپارداعى كولەمنىڭ 76 پايىزىن قۇرايتىنىن ايتا كەلىپ, تاعى جەردىڭ 66 پايىزىنىڭ سۇدىگەرى كوتەرىلگەنىن جەتكىزدى.
قازاقستاندا بيىل 396 مىڭ گەكتار القاپقا كۇزدىك بيداي سەبىلدى. اۋىل شارۋاشىلىعى ءمينيسترى اسىلجان مامىتبەكوۆ مۇنىڭ جوسپارداعى كولەمنىڭ 76 پايىزىن قۇرايتىنىن ايتا كەلىپ, تاعى جەردىڭ 66 پايىزىنىڭ سۇدىگەرى كوتەرىلگەنىن جەتكىزدى.
ەندى بالىق شارۋاشىلىعى «جاسىل ەكونوميكا» شەڭبەرىندە داميدى. قورشاعان ورتا جانە سۋ رەسۋرستارى ءمينيسترى نۇرلان قاپپاروۆتىڭ ايتۋىنشا, ونىڭ اياسىندا سۋ جانە تۇرمىستىق قالدىقتاردى يگەرۋ باعدارلامالارى قابىلدانادى.
قازىرگى زامان ادەبيەتىنەن 69 كىتاپ قازاق تىلىنە اۋدارىلادى. استانادا قازاق تىلىنە اۋدارۋ ءۇشىن وزەكتى كىتاپتاردى انىقتاۋ بايقاۋىنىڭ ساراپتىق كەڭەسى وسىنشا تۋىندىنى تاڭدادى. ول بۇدان ءارى اۋدارىلاتىن تاعى 100 كىتاپتىڭ ءتىزىمىن بەكىتتى.
كەشە شىمكەنتتە توقىما كلاستەرىنىڭ ماسەلەلەرىن تالقىلاۋعا ارنالعان دوڭگەلەك ۇستەل بولدى. وندا وڭىردەگى توقىما ونەركاسىبىنىڭ كەدەندىك وداق شەڭبەرىندە دامۋ كەلەشەگىنىڭ شارتتارى, ايماقتىق توقىما كلاستەرىنىڭ قۇرىلۋ تۇجىرىمداماسىنىڭ ىسكە اسىرىلۋى جايى تالقىلاندى.
پاۆلودار مەملەكەتتىك ۋنيۆەرسيتەتىندە ءماشھۇر-ءجۇسىپ كوپەەۆتىڭ 155 جىلدىق مەرەيتويى اتاپ ءوتىلدى. ول نەگىزىنەن «ءماشھۇر-ءجۇسىپ فەنومەنى – بەيبىتشىلىك ادامى» اتتى حالىقارالىق عىلىمي-تاجىريبەلىك كونفەرەنتسيا تۇرىندە ءوربىدى.
قىزىلوردادا تانىمال كينورەجيسسەر سۇلتان قوجىقوۆتىڭ تۋعانىنا 90 جىل تولۋىنا ارنالعان كەش بولدى. «قازاق كينوسىنىڭ سۇلتانى» دەگەن اتپەن وتكەن شاراعا وبلىس اكىمى قىرىمبەك كوشەرباەۆ پەن بەلگىلى قوعام قايراتكەرى ءابىش كەكىلباەۆ قاتىسىپ, ونەر تارلانى تۋرالى ويلارىن ورتاعا سالدى. بۇدان بولەك, قازاقستان حالىق ارتىستەرى تۇڭعىشباي جامانقۇلوۆ, قۇمان تاستانبەكوۆ, ەڭبەك سىڭىرگەن ءارتىس مەرۋەرت وتەكەشوۆا ەستەلىك ايتتى.
«قازاقپارات», «قازاقستان جاڭالىقتارى», Nur.kz, Bnews.kz,
TengriNews, EgemenNews حابارلارى بويىنشا دايىندالدى.
