نيۋ-يورك قالاسىنىڭ ءتارتىپ ساقشىلارى مانحەتتەن كوشەسىندەگى نارازىلىق بىلدىرۋشىلەردى ۇستاي باستادى. بەلسەندىلەر اقش پرەزيدەنت سايلاۋىنداعى بارلىق داۋىستى ەسەپكە الۋدى تالاپ ەتىپ جاتىر ەكەن.
ء"بىر توپ ادام پوليتسەيلەردى بالاعاتتاعان. سوندىقتان قۇقىق قورعاۋ ورگاندارىنىڭ قىزمەتكەرلەرى ولاردى ۇستاپ, جەرگە جاتقىزىپ, كىسەن سالىپ جاتىر. قالعان پوليتسەيلەر ءتارتىپ بۇزعانداردى ۇستاپ جاتىر", دەيدى جەرگىلىكتى باسىلىم.
ميچيگان شتاتىندا دا نارازىلىق شاراسى ءوتىپ جاتىر. NBC تەلەارناسىنىڭ مالىمەتىنشە, ونداعان ادام بيۋللەتەندەر ەسەپتەلىپ جاتقان جەرگە كەلىپ, داۋىستاردى ساناۋدى توقتاتۋىن تالاپ ەتۋدە.
سونداي-اق دەرەككوز مالىمەتىنشە, ۆاشينگتونداعى اق ءۇيدىڭ ماڭىندا دا قاقتىعىس بولىپ جاتىر. قازىرگى ۋاقىتتا وندا پوليتسەيلەر ءجۇر ەكەن. اقش-تاعى پرەزيدەنت سايلاۋىنىڭ قورىتىندىسى نەگە جاريالانباي جاتقانى بەلگىلى بولدى. نەۆادا شتاتىنداعى داۋىس بەرۋشىلەر ءالى ەسەپتەلمەدى. ولار تەك بۇگىن, 5 قاراشادا جەرگىلىكتى ۋاقىت بويىنشا ساعات 10.00-دە (نۇر-سۇلتان ۋاقىتى بويىنشا ساعات 21.00-دە) جاريالانادى. قازىرگى ۋاقىتتا شتاتتا داۋىس بەرگەندەردىڭ شامامەن 75 پايىزى ەسەپتەلگەن. وسىعان بايلانىستى سايلاۋ قورىتىندىسى ءالى جاريالانباعان.
ايتا كەتەيىك, الدىن الا مالىمەت بويىنشا نەۆادادا بايدەنگە 588 252 ادام داۋىس بەرسە (49,3 پايىز), ترامپقا 580 605 ادام (48,7 پايىز) داۋىس بەرگەن.
