قىركۇيەك ايى بويىنشا وسىعان ۇقساس دەرەكتەرمەن سالىستىرعاندا ۆاكانسيالاردىڭ جالپى سانى قازان ايىندا 7%-عا, ال بىلىكتىلىكتى تالاپ ەتەتىن ۆاكانسيالاردىڭ سانى 2,9%-عا ازايعان. ال ورنالاستىرىلعان تۇيىندەمەلەردىڭ سانى 21,8%-عا, ال بىلىكتى ەڭبەكتى قاجەت ەتەتىن تۇيىندەمەلەردىڭ سانى 24%-عا ازايعان. ماسەلەن, قىركۇيەك ايىندا 100 مىڭ ۆاكانسيا جانە 67 مىڭ تۇيىندەمە ورنالاستىرىلعان, ۆاكانسيالاردىڭ 67,4 مىڭى بىلىكتىلىكتى تالاپ ەتەدى, تۇيىندەمەلەردەن 46,9 مىڭىندا بىلىكتىلىك كورسەتىلگەن.
"وڭىرلەر بويىنشا ۆاكانسيالاردىڭ ەڭ كوپ جيىنتىق سانى الماتى (9,4%) جانە قوستاناي (9%) وبلىستارىندا, بىلىكتى ەڭبەكتى قاجەت ەتەتىندەرى قوستاناي (10,3%) وبلىستارىندا جانە نۇر-سۇلتان قالاسىندا (10%) ورنالاستىرىلعان. بۇل رەتتە ۆاكانسيالاردىڭ جيىنتىق سانىنىڭ ەڭ كوپ ءوسۋى باتىس قازاقستان (80%-عا) جانە قىزىلوردا (30%-عا) وبلىستارىندا, ەڭ از سانى اقمولا وبلىسىندا بايقالادى, وندا ولاردىڭ سانى قىركۇيەكپەن سالىستىرعاندا 46,3%-عا, ال نۇر-سۇلتان قالاسىندا 28%-عا قىسقارعان. قازان ايىندا بىلىكتى ەڭبەككە دەگەن قاجەتتىلىك باتىس قازاقستان جانە تۇركىستان وبلىستارىندا تيىسىنشە 105%-عا جانە 40%-عا ەڭ كوپ وسكەن. اتالعان كورسەتكىش بويىنشا اقمولا وبلىسىندا 39%-عا جانە الماتى وبلىسىندا 30,5%-عا تومەندەۋ بايقالادى", – دەپ اتاپ ءوتتى ەردو بولجامداۋ دەپارتامەنتىنىڭ ديرەكتورى دميتري شۋمەكوۆ.
قازان ايىندا جۇمىس ىزدەۋشىلەردىڭ ەڭ كوپ سانى تۇركىستان وبلىسىندا (6 مىڭ تۇيىندەمە نەمەسە جالپى ساننىڭ 11,1%-ى) جانە جامبىل وبلىسىندا (4,7 مىڭ نەمەسە 8,7%-ى) بولدى. بىلىكتى ەڭبەك ۇسىناتىن قىزمەتكەرلەرگە قاتىستى قازان ايىندا اتىراۋ (3,1 مىڭ نەمەسە جالپى ساننىڭ 9%) جانە ماڭعىستاۋ (3 مىڭ نەمەسە 8,8%) وبلىستارى كوش باستاپ تۇردى. اقمولا (855) جانە سولتۇستىك قازاقستان (884) وبلىستارىندا مىڭنان از بىلىكتى جۇمىس ىزدەۋشىلەر ءوز تۇيىندەمەلەرىن ورنالاستىرعان. بۇل رەتتە بىلىكتى جۇمىس ىزدەۋشىلەردىڭ سانى قازان ايىندا قىركۇيەكپەن سالىستىرعاندا تۇركىستان (4%-عا) جانە باتىس قازاقستان (1,6% – عا) وبلىستارىندا ءوستى, ال قالعان وڭىرلەردە قىسقارۋ بايقالادى, بۇل رەتتە ەڭ ۇلكەن قىسقارۋ نۇر-سۇلتان قالاسىندا (54%-عا) جانە الماتى وبلىسىندا (46%-عا) بايقالادى.
"سۇرانىسقا يە بىلىكتىلىگى جوعارى قىزمەتكەرلەرگە كەلەتىن بولساق, سۋىق اۋا رايىنىڭ جاقىنداۋىنا بايلانىستى قازاندىقتار مەن بۋ ماشينالارىنىڭ وپەراتورلارى ەڭ كوپ سۇرانىسقا يە بولۋدا: قازان ايىندا 6 مىڭنان استام بوس جۇمىس ورنى ورنالاستىرىلدى, بۇل ولاردىڭ جالپى سانىنىڭ 9,3%-ىن قۇرايدى. تانىمالدىلىعى بويىنشا: ەلەكتر ەنەرگياسىن ءوندىرۋ بويىنشا وپەراتورلار, ولارعا قاجەتتىلىك 3,2 مىڭدى نەمەسە 4,9%-دى قۇرادى", – دەپ قورىتىندىلادى تالداۋشى.
وڭىرلەردە, ياعني اقتوبە, باتىس قازاقستان, قىزىلوردا جانە تۇركىستان وبلىستارىندا بويلەر وپەراتورلارى, ال اقمولا, جامبىل, قاراعاندى, پاۆلودار جانە سولتۇستىك قازاقستان وبلىستارىندا, سونداي-اق شىمكەنت قالاسىندا ەلەكتر ەنەرگياسىن ءوندىرۋ وپەراتورلارى سۇرانىس بويىنشا ءبىرىنشى ورىندا. ءوز كەزەگىندە نۇر-سۇلتان جانە الماتى قالالارىندا قازان ايىندا دۇكەن ساتۋشىلارىن, قوستاناي وبلىسىندا – جۇرگىزۋشىلەردى, ماڭعىستاۋ وبلىسىندا – ۆالتسوۆششيكتەردى, ال شىعىس قازاقستان وبلىسىندا – ورتا مەكتەپ مۇعالىمدەرىن كوبىرەك ىزدەيدى ەكەن.
