جۇمىس ساپارى بارىسىندا وڭىرلىك مەديتسينا وبەكتىلەرىنىڭ كوروناۆيرۋس ينفەكتسياسىنىڭ بولۋى مۇمكىن تولقىنىنا دايىندىعىن تەكسەردى. سونداي-اق ۆيتسە-پرەمەر وڭىردەگى ەپيدەميولوگيالىق جاعداي بويىنشا كەڭەس وتكىزدى, جەرگىلىكتى مەملەكەتتىك ورگاندار مەن پوليتسيا دەپارتامەنتى باسشىلىعى قابىلداپ جاتقان شارالار تۋرالى ەسەبىن تىڭدادى. پرەمەر-ءمينيستردىڭ ورىنباسارى اۋىلدىق جەرلەردە پتر زەرتحاناسىنىڭ جوقتىعىن ەسكەرە وتىرىپ, بۇل قىزمەت ءتۇرىنىڭ وبلىس تۇرعىندارىنا قولجەتىمدى بولۋىن تەز ارادا شەشۋدى تاپسىردى. ەرالى توعجانوۆ قازان ايىنىڭ قورىتىندىسى بويىنشا وڭىردە تىركەلگەن سOVID-19 فاكتىلەرىنىڭ ءۇش ەسەگە وسكەنىن اتاپ كورسەتتى. پاۆلودار, ەكىباستۇز جانە اقسۋ قالالارىنداعى ەپيدەميولوگيالىق جاعدايدى تۇراقتاندىرۋ قاجەتتىگىنە ەرەكشە نازار اۋداردى.
ۆەدومستۆوارالىق كوميسسيانىڭ توراعاسى وڭىردەگى ەپيدەميولوگيالىق جاعدايدى تۇراقتاندىرۋ بويىنشا وبلىس اكىمدىگىنە 2020 جىلدىڭ 9 قاراشاسىنان باستاپ بىرقاتار شەكتەۋ شارالارىن قابىلداۋدى, اتاپ ايتقاندا:
پاۆلودار قالاسىنىڭ پەريمەترى بويىنشا بلوك-بەكەتتەر ورناتۋدى;
كۇن سايىنعى ءوسىمى 10-نان استام جاعدايدى قۇرايتىن ەلدى مەكەندەردە سانيتارلىق بلوك-بەكەتتەر ورناتۋدى;
كەلەسى باعىتتار بويىنشا اۋە قاتىناسىن قىسقارتۋدى:
پاۆلودار-الماتى اپتاسىنا 10 رەيستەن 5 رەيسكە دەيىن;
پاۆلودار-نۇر-سۇلتان 3 رەيستەن 1 رەيسكە دەيىن;
پاۆلودار-شىمكەنت اپتاسىنا 2 رەيستەن 1 رەيسكە دەيىن;
پاۆلودار-الماتى باعىتى بويىنشا تەمىرجول تاسىمالدارىن اپتاسىنا 7 رەتتەن 3 رەتكە دەيىن قىسقارتۋدى;
جولاۋشىلار تەمىرجول قۇرامدارىنىڭ وبلىس ىشىندە ايالداۋىنا (وبلىس اكىمدىگى بەلگىلەگەن جەرلەردى قوسپاعاندا) تىيىم سالۋدى;
ءدىني وبەكتىلەردىڭ, تەاترلاردىڭ, كينوتەاترلاردىڭ, مادەنيەت وبەكتىلەرىنىڭ قىزمەتىن توقتاتا تۇرۋدى;
قوعامدىق تاماقتانۋ وبەكتىلەرىنىڭ جۇمىسىن ساعات 20:00-گە دەيىن شەكتەۋدى;
وفلاين رەجيمدە كەڭەستەر وتكىزۋگە تىيىم سالۋدى;
قىزمەتكەرلەردىڭ كەمىندە 80%-ىن قاشىقتان جۇمىس ىستەۋ رەجيمىنە كوشىرۋدى;
65 جاستان اسقان ادامدارعا ازىق-ت ۇلىكتى, ءبىرىنشى كەزەكتە قاجەتتى تاۋارلاردى, ءدارى-دارمەكتەردى جانە مەديتسينالىق بۇيىمداردى ساتىپ الۋ جاعدايلارىن قوسپاعاندا, اسا قاجەتتىلىكسىز تۇرعىلىقتى جەرىنەن شىقپاۋدى ۇسىنۋدى;
دەمالىس جانە مەرەكە كۇندەرى: قوعامدىق كولىكتىڭ (ترامۆايلار, اۆتوبۋستار, مارشرۋتتىق تاكسيلەر) جۇمىسىن توقتاتا تۇرۋدى;
جابىق جانە اشىق ازىق-ت ۇلىكتىك ەمەس جانە ازىق-ت ۇلىك بازارلارىنىڭ جۇمىسىن توقتاتا تۇرۋدى;
مونشالاردىڭ, ساۋنالاردىڭ جۇمىسىن توقتاتا تۇرۋدى;
قوعامدىق تاماقتانۋ وبەكتىلەرىنىڭ جۇمىسىن تەك تاپسىرىس بەرۋشىگە جەتكىزۋ فورماتىنا كوشىرۋدى تاپسىردى.
سونداي-اق ءوڭىر باسشىلىعىنا كارانتين رەجيمىن ساقتاۋ بويىنشا مونيتورينگتىك توپتاردىڭ قىزمەتىن كۇشەيتۋ, تۇرعىندار اراسىندا كارانتين رەجيمىن مۇلتىكسىز ساقتاۋ قاجەتتىلىگى تۋرالى اقپاراتتىق-ءتۇسىندىرۋ جۇمىستارىن جۇرگىزۋ تاپسىرىلدى. وڭىردەگى ەپيدەميولوگيالىق جاعداي ۇكىمەتتىڭ تۇراقتى باقىلاۋىندا.
