ءبىزدىڭ وبلىستاعى «پاۆلودار» دەپ اتاۋ بەرىلگەن ەركىن ەكونوميكالىق ايماق «قۇرىلادى, اشىلدى» دەگەلى دە ءبىراز بولىپ قالدى. وبلىس ورتالىعىنىڭ سولتۇستىك ونەركاسىپ اۋماعىندا ورنالاسقان ەركىن ەكونوميكالىق ايماقتىڭ جالپى كولەمى 3300 گەكتار جەردى الىپ جاتىر. جوبا ەلىمىز ءۇشىن ماڭىزدى. مامانداردىڭ ايتۋىنشا, ونىڭ جۇمىسىن جانداندىرۋ ءۇشىن حيميا سالاسىندا تابىستى جۇمىس ىستەپ كەلە جاتقان شەتەلدىك كاسىپورىندارمەن ارىپتەستىك ورناتۋ قاجەت. سوندا عانا بۇل ىسكە مول ينۆەستيتسيا تارتۋدىڭ مۇمكىندىگى قالىپتاسپاق. ەگەر ايماق اۋماعىنا 50-60-تاي كاسىپورىن سىيىپ كەتەتىندىگىن ەسكەرسەك, بۇل ارينە ءبىر كۇننىڭ شارۋاسى ەمەس.
ءبىزدىڭ وبلىستاعى «پاۆلودار» دەپ اتاۋ بەرىلگەن ەركىن ەكونوميكالىق ايماق «قۇرىلادى, اشىلدى» دەگەلى دە ءبىراز بولىپ قالدى. وبلىس ورتالىعىنىڭ سولتۇستىك ونەركاسىپ اۋماعىندا ورنالاسقان ەركىن ەكونوميكالىق ايماقتىڭ جالپى كولەمى 3300 گەكتار جەردى الىپ جاتىر. جوبا ەلىمىز ءۇشىن ماڭىزدى. مامانداردىڭ ايتۋىنشا, ونىڭ جۇمىسىن جانداندىرۋ ءۇشىن حيميا سالاسىندا تابىستى جۇمىس ىستەپ كەلە جاتقان شەتەلدىك كاسىپورىندارمەن ارىپتەستىك ورناتۋ قاجەت. سوندا عانا بۇل ىسكە مول ينۆەستيتسيا تارتۋدىڭ مۇمكىندىگى قالىپتاسپاق. ەگەر ايماق اۋماعىنا 50-60-تاي كاسىپورىن سىيىپ كەتەتىندىگىن ەسكەرسەك, بۇل ارينە ءبىر كۇننىڭ شارۋاسى ەمەس.
دەگەنمەن, ەلباسى تاپسىرماسىن ورىنداۋ بارىسىندا وسى «پاۆلودار» ارنايى ەكونوميكالىق ايماعىندا جۋىردا ەكى جاڭا ءوندىرىستىڭ ىسكە قوسىلاتىندىعى بەلگىلى بولدى. بۇل جايىندا «كاۋستيك» اق پەن «بەليزنا-پۆ» جشس كاسىپورىندارىنداعى تەحنولوگيالىق ۇدەرىستىڭ ورىندالۋ بارىسىمەن تانىسقان وبلىس اكىمى ەرلان ارىن ءمالىم ەتتى. ىسكە قوسىلماق ەكى ءوندىرىستىڭ ءبىرى – «كاۋستيك» اق-تا تۇز قىشقىلى, ال, «بەليزنا-پۆ» جشس-ىندە تۇرمىستا قولدانىلاتىن حيميالىق زاتتار شىعارۋ قولعا الىنباقشى. زاۋىتتىڭ تۇز قىشقىلىن وندىرەتىن زاۋىتتىڭ قۋاتتىلىعى جىلىنا 45 مىڭ توننا ەكەن. بۇل كۇندەرى ەلىمىزدە قولدانىلاتىن تۇز قىشقىلى رەسەي, وزبەكستان جانە قىتايدان اكەلىنەدى. ال, جاڭادان شىعاتىن پاۆلودارلىق ءونىم باسەكەگە قابىلەتتى.
ارنايى ەكونوميكالىق ايماق اۋماعىندا جۇزەگە اسقان بۇل جوبالار سالىقتار مەن كەدەندىك جەڭىلدىكتەر بويىنشا باسىمدىلىقتارعا يە. سونىمەن بىرگە, ەكىنشى جوباعا سالىنعان ينۆەستيتسيا كولەمى 150 ميلليون تەڭگەنى قۇراپ وتىر. ەندى «بەليزنا-پۆ» جشس-ءنىڭ ونىمدەرى ءىرى ديستريبيۋتەرلىك كومپانيالار مەن ساۋدا جەلىلەرى ارقىلى ساتىلادى. كومپانيا ەلىمىزگە اكەلىنەتىن ونىمدەرگە قاراعاندا ءوز ونىمدەرىن ارزانداۋ باعامەن ساتادى. ەندىگى ءۇمىت وسى كاسىپورىنداردىڭ الداعى ۋاقىتتا شىنايى تۇردە ىسكە قوسىلىپ, لەنتا قيعان سوڭ توقتاپ قالماي, ەل يگىلىگىنە جۇمىس جاساۋىندا بولىپ وتىر. ولاردىڭ جۇمىسىنا ساتتىلىك تىلەيمىز.
فاريدا بىقاي,
«ەگەمەن قازاقستان».
پاۆلودار وبلىسى.
