قوعام • 04 قاراشا، 2020

Nur Otan-دا وبلىس ورتالىقتارى ءماسليحاتتارىنىڭ تىزىمىنە قاتىستى جەكە شەشىم قابىلداندى

56 رەت كورسەتىلدى

وبلىس ورتالىعى بولىپ تابىلاتىن قالالاردىڭ ءماسليحاتىنا پارتيالىق تىزىمدەردى قالىپتاستىرۋعا قاتىستى پرايمەريزگە قاتىسۋشىلاردان تۇسكەن وتىنىشتەرگە بايلانىستى "Nur Otan" پارتياسى ولاردى ءتۇزۋ بويىنشا جەكە شەشىم قابىلدادى، دەپ حابارلايدى Egemen.kz.

بۇعان دەيىن پارتيا مۇشەلەرى وبلىس ورتالىقتارىنان شىققان رەيتينگى جوعارى پرايمەريز كانديداتتارىنىڭ ءبىر بولىگى وبلىستىق جانە قالالىق ماسليحاتتارعا دەپۋتاتتىق ماندات الا الماي، رەزەرۆتە قالۋى مۇمكىن دەگەن الاڭداۋشىلىقتارىن بىلدىرگەن ەدى.

سوندىقتان ورتالىق ۇيىمداستىرۋ كوميتەتىنىڭ حاتتاماسى نەگىزىندە جانە پرايمەريزدى وتكىزۋ ەرەجەسىنە سايكەس وڭىرلىك فيليالدار وبلىس ورتالىعى بولىپ تابىلاتىن قالالاردىڭ پارتيالىق تىزىمدەرىن قالىپتاستىرۋ ءتارتىبى تۋرالى جەكە شەشىم قابىلدادى.

"تىزىمدەر پرايمەريز قورىتىندىسى بويىنشا سايلاناتىن كانديداتتار مەن پارتيالىق كۆوتادان جاسالادى. وبلىستىق ءماسليحاتتىڭ پارتيالىق تىزىمىندەگى باسىم ۇلەستى اۋداندار جانە باسقا قالالارمەن سالىستىرعاندا سايلاۋشىلار سانىنىڭ كوپ بولۋىنا بايلانىستى وبلىس ورتالىعى بولىپ تابىلاتىن قالالاردىڭ كانديداتتارى قۇرايدى. تىزىمگە ەڭ جوعارى رەيتينگكە يە كانديداتتار ەنگىزىلەدى"، - دەدى پارتيانىڭ ءباسپاسوز قىزمەتى.

وسى ورايدا كانديدات ءماسليحات نەمەسە ءماجىلىس دەڭگەيىن تاڭداۋعا قۇقىلى ەكەنى ايتىلدى. وبلىستىق ءماسليحات جانە پارلامەنت ءماجىلىسى دەپۋتاتتىعىنا كانديدات رەتىندە ۇسىنىلۋدان باس تارتقان جاعدايدا ۇمىتكەر پىكىرسايىسقا قاتىسۋشىلار تىزىمىنەن شىعارىلادى جانە ونىڭ ورنىنا جاڭا ۇمىتكەر قوسىلمايدى. بۇل رەتتە وسى كانديدات مىندەتتى تۇردە قالالىق پارتيالىق تىزىمگە ەنگىزىلەدى.

وبلىس ورتالىقتارىنىڭ پارتيالىق كونفەرەنتسيالارىنداعى پىكىرسايىستارعا قاتىسۋشىلاردىڭ ءتىزىمى وبلىستىق پارتيالىق تىزىمگە قالانىڭ وكىلدىك ەتۋ كۆوتاسىندا 1 ورىنعا 2 كانديدات ەسەبىنەن جاسالادى.

پىكىرسايىستار مەن داۋىس بەرۋ قورىتىندىلارى بويىنشا ەڭ جوعارى داۋىس جيناعان قاتىسۋشىلاردىڭ 50%-ى وبلىستىق پارتيالىق تىزىمگە ەنگىزۋ ءۇشىن ۇسىنىلادى. ونىڭ ىشىندە، پىكىرسايىس قورىتىندىسى بويىنشا ەڭ كوپ داۋىس جيناعان كانديداتتار ءماجىلىستىڭ پارتيالىق تىزىمىندە ءوڭىردىڭ وكىلدىك ەتۋ كۆوتاسىنا سايكەس ءماجىلىستىڭ پارتيالىق تىزىمىنە پىكىرسايىسقا قاتىسۋشىلار رەتىندە وبلىستىق كونفەرەنتسياعا ۇسىنىلادى.

"قالالىق پارتيالىق كونفەرەنتسياداعى پىكىرسايىستاردان كەيىن دەباتتان باس تارتقانداردان، پىكىرسايىستاردا ۇتىلعانداردان جانە پارتيالىق كۆوتادان (ماسليحاتتاعى مانداتتار سانىنىڭ 30%-ى) قالالىق پارتيالىق ءتىزىم بەكىتىلەدى. بۇل رەتتە پارتيالىق تىزىمدە 30% – ايەلدەرگە، 20% – 35 جاسقا دەيىنگى جاستارعا ارنالعان كۆوتا ساقتالۋى ءتيىس"، - دەپ تولىقتىردى ءباسپاسوز قىزمەتى.

ەستەرىڭىزگە سالا كەتەيىك، بۇعان دەيىن "Nur Otan" پارتياسى وڭىرلىك كونفەرەنتسيالار كەستەسىن جاريالاعان بولاتىن. ونىڭ بارىسىندا بارلىق دەڭگەيدەگى ماسليحاتتارعا پارتيالىق تىزىمدەر، سونداي-اق ءار وڭىردەن ماجىلىسكە پارتيالىق تىزىمگە كانديداتتار انىقتالاتىن بولادى.

سوڭعى جاڭالىقتار

وڭىردە دامۋ ءۇردىسى بار

ايماقتار • كەشە

تاڭدايدىڭ تارلانى

تاريح • كەشە

جوعالعان سولدات

تاريح • كەشە

دومبىرانى دارىپتەدى

رۋحانيات • كەشە

ۇقساس جاڭالىقتار