تالعار اپب كەزەكشى بولىمىنە تالعار قالاسىنىڭ 78 جاستاعى تۇرعىنىنىڭ ۇيىنە بەلگىسىز بىرەۋدىڭ باسىپ كىرىپ, پىشاقپەن قورقىتىپ, اقشاسىن تارتىپ اكەتكەنى تۋرالى حابارلاما كەلىپ تۇسكەن. شىعىن سوماسى 100 000 تەڭگەنى قۇرادى.
– وقيعا ورنىنا ساناۋلى مينۋتتاردا جەتكەن تالعار اپب ءپاترۋلى جابىرلەنۋشىدەن قىلمىسكەردىڭ سىرتقى كەلبەتى تۋرالى سۇراستىرىپ, ىزدەۋگە كىرىسكەن. 30 مينۋتتان كەيىن پاترۋلدىك پوليتسيا قىزمەتكەرلەرى مىنەز-قۇلقى كۇدىك تۋدىراتىن, بۇتالار اراسىندا جاسىرىنعان, جابىرلەنۋشى سيپاتتاعان ادامعا ۇقسايتىن ەر ادامدى ۇستادى. ونىڭ قالتاسىنان ءبىر بۋما اقشا تابىلدى, – دەدى تالعار اپب باستىعى ەرلان قاسىم.
ءوزىنىڭ ءىس-ارەكەتىن مويىنداعان كۇدىكتىدەن جاۋاپ الۋ كەزىندە پوليتسەيلەر ەگدە ايەلگە شابۋىل جاساۋ دەرەگىنىڭ ءمان-جايىن تولىق انىقتادى.
– جۇمىسسىز كۇدىكتى قالانى ماقساتسىز ارالاپ ءجۇرىپ, جالعىزباستى اجەيدىڭ اقشاسىن تارتىپ الۋعا بەل بايلاعان. ءوزىن ەشكىم كورمەۋى ءۇشىن ۇيگە ارتقى جاقتاعى قورشاۋ ارقىلى كىرگەن. اس ءۇي پىشاعىمەن زەينەتكەردى قورقىتىپ, ودان اقشا تالاپ ەتكەن. قورىققان اجەي وعان 500 تەڭگە ۇسىنعان. ۇسىنىلعان اقشاعا كوڭىلى تولماعان كۇدىكتى اجەيدى كۇش قولدانامىن دەپ قورقىتىپ, بارلىق اقشاسىن بەرۋدى تالاپ ەتكەن. اجەي قورىققاننان ءاميانىن الىپ شىققان. ۇستالعان ادام ءامياننان بارلىق اقشانى الىپ, ءىزىن سۋىتقان. جارتى ساعاتتان كەيىن كۇدىكتى ۇستالدى, – دەپ تولىقتىردى ەرلان قاسىم.
قازىرگى ۋاقىتتا بۇل فاكت بويىنشا قر قىلمىستىق كودەكسىنىڭ 192-بابىمەن (قاراقشىلىق) تەرگەۋ امالدارى جۇرگىزىلۋدە.
