بۇل جونىندە بۇگىن اقپاراتتىق-كوممۋنيكاتسيالىق ورتالىقتا وتكەن بريفينگتە قالالىق دەنساۋلىق ساقتاۋ باسقارماسىنىڭ باسشىسى باقىتجان پوزيلوۆ ءمالىم ەتتى.
- قالادا 3 وتتەگى ستانتسياسىن ورناتۋ بويىنشا جۇمىستار اياقتالدى. ەكەۋى قالالىق ينفەكتسيالىق اۋرۋحانا بازاسىندا جانە بىرەۋى №3 قالالىق اۋرۋحانادا. بۇدان بولەك مەديتسينالىق ۇيىمدارداعى 717 وتتەگى نۇكتەلەرىن قوسۋ جانە سۇيىق وتتەگىگە ارنالعان 9 رەزەرۆۋار ورناتۋ جۇمىستارى جۇرگىزىلۋدە, دەدى باسقارما باسشىسى.
سونداي-اق, 13 سانيتارلىق كولىك دەمەۋشىلىك رەتىندە بەرىلگەن. مۇنان وزگە, مەديتسينالىق ۇيىمداردا 612 يۆل اپپاراتتارى جۇمىس جاسايتىن بولادى. جىل باسىندا 310 يۆل اپپاراتى بولسا, قوسىمشا 156 يۆل دەنساۋلىق ساقتاۋ مينيسترلىگىنەن جەتكىزىلدى. ودان باسقا دەمەۋشىلىك كومەكپەن 20 يۆل اپپارات جانە 98 وتتەگى كونتسەنتراتەرى بەرىلدى. 126 دانا يۆل اپپاراتتارى جەرگىلىكتى بيۋدجەتتەن ساتىپ الىنۋدا.
ەندى العاش رەت شىمكەنت قالاسىندا "قازمەدپريبور" جشس يۆل اپپاراتتارىن شىعارۋدى باستادى. مەكەمە كۇنىنە 20-25 يۆل اپپارات شىعارۋعا قاۋقارلى. ودان باسقا 300-گە جۋىق مەديتسينالىق جابدىقتار شىعارىلادى.
