وسىعان وراي, جاستاردىڭ كىتاپقا دەگەن قىزىعۋشىلىعىن ارتتىرۋ ماقساتىندا «شىمكەنت قالاسىنىڭ كىتاپحانالارىن دامىتۋ جانە جاڭعىرتۋ» باعدارلاماسى دايىندالىپ جاتىر. باعدارلاما اياسىندا ەلىمىزدىڭ ۇلتتىق كىتاپحانالارىنا قولجەتىمدى بولاتىن تۇڭعىش مەملەكەتتىك تسيفرلىق پورتالدى قۇرۋ, كىتاپحانالاردىڭ جارعىسىنا وزگەرىستەر ەنگىزىپ, ءال-فارابي اتىنداعى عىلىمي–امبەباپ (وتىرار) كىتاپحاناسىن – الەمنىڭ ەلەكتروندى كىتاپحانالىق جۇيەلەرىنە قوسىپ, عىلىم مەن ونەردىڭ ورتالىعى بولىپ قايتا جاڭعىرتۋ كوزدەلىپ وتىر. سونداي-اق, باعدارلاما شەڭبەرىندە كوپشىلىك كىتاپحانالاردىڭ ورتالىقتاندىرىلعان جۇيەسى سانالاتىن اباي اتىنداعى كىتاپحاناعا – زاماناۋي ديزاين, جاڭا تەحنولوگيالار مەن كونتسەپتۋالدى تولىقتىرۋلار ەنگىزۋ جوسپارلانۋدا.
ودان وزگە, اتالعان باعدارلاماعا سايكەس كەلەسى جىلى دۇنيەجۇزىلىك كىتاپ جانە اۆتورلىق قۇقىق كۇنىنە وراي "Kitapfest", ءتورت ماۋسىمدىق "Bookoمaنيا fest", ء"بىزدى كىتاپ بىرىكتىرەدى" اكتسياسى مەن باسپاگەرلەر جارمەڭكەسى, كىتاپتاردى رەستاۆراتسيالاۋ, بۋككروسينگ, جاسىل ەكونوميكا سەكىلدى شارالاردى ۇيىمداستىرۋ قولعا الىنباق.
سونىمەن قاتار, قالالىق كىتاپحانالاردا كىتاپ وقۋدى ناسيحاتتاۋ مەن دامىتۋعا باعىتتالعان ادەبي كەشتەر, جازۋشىلار جانە اقىندارمەن كەزدەسۋلەر, لەكتسيالار, دوڭگەلەك ۇستەلدەر, تاقىرىپتىق كىتاپ كورمەلەرى سەكىلدى ءىس-شارالار ۇيىمداستىرىلۋدا.
ماسەلەن, جاسوسپىرىمدەر كىتاپحاناسى قالالىق قوعامدىق كولىكتەردە "Bookway 2020" ادەبي جىلجىمالى كىتاپحاناسىن ۇيىمداستىردى. ءىس-شارادا تەك كىتاپتار ناسيحاتتالىپ قانا قويماي, اباي وبرازىنداعى ءارتىس قالا تۇرعىندارىنا ابايدىڭ قارا سوزدەرىن وقىپ, اندەرىن ورىنداپ, سۇحبات جۇرگىزگەن.
