ادەبيەت • 03 قاراشا، 2020

10 مىڭنان استام كىتاپ تسيفرلىق فورماتقا كوشىرىلدى

18 رەت كورسەتىلدى

بۇگىنگى تاڭدا قىزىلوردا وبلىسى كىتاپحانالارىنىڭ كىتاپ قورى 4 ملن 482 مىڭ 22 دانانى قۇرايدى. بيىلعى جىلى كىتاپ قورى 28 مىڭ 442 دانا جاڭا كىتاپپەن تولىقتى. ايماقتاعى كىتاپحانالار جىل باسىنان بەرى 155 مىڭ 64 وقىرمانعا قىزمەت كورسەتىپ، 1 ملن 780 مىڭ 472 دانا كىتاپتى وقىرمان قولىنا ۇستاتقان، دەپ حابارلايدى Egemen.kz قىزىلوردا وبلىسى اكىمىنىڭ ءباسپاسوز قىزمەتىنە سىلتەمە جاساپ.

"كىتاپحانا قورلارىن تسيفرلاندىرۋ" جوباسى بويىنشا قور ساقتالىمىن قامتاماسىز ەتۋ ماقساتىندا وبلىس كىتاپحانالارىندا 98 118 كىتاپتى تسيفرلىق فورماتقا كوشىرۋ جوسپارلانسا، بۇگىنگى تاڭدا ونىڭ 10 مىڭ 638 سيرەك كىتاپ (2411787 بەت) پەن ولكەتانۋ باسىلىمدارى كوشىرىلدى.

قازىرگى تاڭدا كىتاپحانالاردى تەك كىتاپحانالىق قىزمەت كورسەتەتىن عانا ەمەس، اقپاراتتىق تەحنولوگيالاردى پايدالانا وتىرىپ، زاماناۋي قىزمەت ءتۇرىن ۇسىناتىن ەلەكتروندى كىتاپ قورى مەن ەلەكتروندى مالىمەتتەر بازاسى جيناقتالعان مادەني ورىنعا اينالدىرۋ ماقساتىندا ءوڭىرىمىزدىڭ كىتاپحانالارىندا 59 كوۆوركينگ ورتالىقتارى مەن 60 اۋىلدىق مودەلدى كىتاپحانا جۇمىس ىستەيدى.

سوڭعى جاڭالىقتار

دوللار قايتا قىمباتتادى

ەكونوميكا • بۇگىن، 11:55

ۇقساس جاڭالىقتار