ۇكىمەت • 03 قاراشا، 2020

ۇكىمەتتە تۇركىستان قالاسىنىڭ باس جوسپارى ماقۇلداندى

49 رەت كورسەتىلدى

ۇكىمەتتىڭ بۇگىنگى وتىرىسىندا تۇركىستان قالاسىنىڭ باس جوسپارى جوباسى قارالدى جانە ماقۇلداندى، دەپ حابارلايدى Egemen.kz

"ەلباسى نۇرسۇلتان ءابىش ۇلى نازارباەۆتىڭ تاريحي شەشىمىنىڭ ارقاسىندا قاسيەتتى تۇركىستان قالاسى – بۇكىل تۇركى الەمىنىڭ مادەني-رۋحاني استاناسى رەتىندە وركەندەۋىنە ۇلكەن سەرپىن بەرىلدى. قازىرگى تاڭدا تۇركىستان – ەلىمىزدىڭ رۋحاني جاڭعىرۋىنىڭ سيمۆولىنا اينالۋدا. مەملەكەت باسشىسى قاسىم-جومارت توقاەۆ تۇركىستان قالاسىنىڭ دامۋىنا ۇلكەن نازار اۋدارادى"، دەپ اتاپ ءوتتى پرەمەر-مينيستر اسقار مامين.

ۇكىمەت باسشىسى تۇركىستاننىڭ جاڭادان دامۋىن، تاريحي قۇندىلىقتاردى ساقتاي وتىرىپ، ودان ءارى كوركەيۋىن قامتاماسىز ەتۋ ماقساتىندا 2018 جىلعى قىركۇيەكتە تۇركىستان قالاسىن دامىتۋدىڭ باس جوسپارىنىڭ تۇجىرىمداماسى ماقۇلدانعانىن ەسكە سالدى.

"قىسقا مەرزىمدە ناقتى جۇمىس اتقارىلدى. تۇركىستان قالاسىنىڭ مادەني-رۋحاني جانە اكىمشىلىك-ىسكەرلىك ورتالىقتارىنىڭ، كولىك جانە ينجەنەرلىك ينفراقۇرىلىمى، تۇرعىن ۇيلەر ايماعىنىڭ قۇرىلىسى قارقىندى جۇرگىزىلدى. جالپى، وبلىس ورتالىعى تۇركىستان قالاسىنا كوشىرىلگەننەن بەرى قالانىڭ نەگىزگى كاپيتالعا ينۆەستيتسيالار كولەمى – 400 ملرد تەڭگەنى قۇرادى. جاڭا باس جوسپارعا سايكەس قالا اۋماعى ءبىرشاما ۇلعايدى – 3 مىڭ گەكتارعا جۋىق. سونىمەن قاتار، قالا تۇرعىندارىنىڭ سانى 176 مىڭعا دەيىن ءوستى، 2025 جىلعا قاراي قالا حالقىنىڭ سانى 250 مىڭعا دەيىن، ال 2035 جىلعا قاراي 350 مىڭعا دەيىن جەتەتىن بولادى"، دەيدى اسقار مامين.

ۇكىمەت باسشىسىنىڭ ايتۋىنشا، تەز ءوسىپ كەلە جاتقان قالانىڭ بارلىق مۇقتاجدىعى تۇركىستان قالاسىن دامىتۋ بويىنشا ۇسىنىلىپ وتىرعان جوسپاردا ەسكەرىلگەن. ول قالا تۇرعىندارى مەن ونىڭ قوناقتارى ءۇشىن تولىققاندى جايلى ورتا قۇرۋعا مۇمكىندىك بەرەدى.

"ۇسىنىلعان جوسپار قالانىڭ جانە تۇركىستان وبلىسىنىڭ اتقارۋشى ورگاندارىمەن جانە دە ورتالىق مەملەكەتتىك ورگاندارمەن كەلىسىلگەن. قالا ينفراقۇرىلىمىن دامىتۋدىڭ ءتيىستى سحەمالارى ازىرلەنگەن. جوسپاردى قابىلداۋ – تۇركىستان قالاسىنىڭ الداعى ۋاقىتتا دامۋىنىڭ ناقتى باعىتىن بەلگىلەيدى. سوندىقتان ۇسىنىلىپ وتىرعان جوسپار جوباسىن قولداۋدى جانە ۇكىمەتتىڭ ءتيىستى قاۋلىسىنا داۋىس بەرۋدى ۇسىنامىن"، دەدى اسقار مامين.

ەسكە سالا كەتەيىك، تۇركىستان وبلىسىنىڭ اكىمى ومىرزاق شوكەەۆ ۇكىمەت وتىرىسىندا قالانىڭ دامۋ بارىسىن بايانداعان ەدى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار