جيىنعا قاراعاندى وبلىستىق سوتىنىڭ توراعاسى نۇرسەرىك ءشارىپوۆ, وبلىستىق دەنە شىنىقتىرۋ جانە سپورت باسقارماسىنىڭ باسشىسى تەمىرحان ابىلاەۆ جانە ۇلتتىق سپورت تۇرلەرى سالاسىنىڭ ماماندارى قاتىستى.
كۇن ءتارتىبى بويىنشا قاراعاندى وبلىسىنىڭ ۇلتتىق سپورت تۇرلەرى قاۋىمداستىعى قۇرىلدى. سونىمەن قاتار, جيىنعا قاتىسقاندار ءبىراۋىزدان داۋىس بەرىپ, جاڭا قۇرىلىمنىڭ باسشىسى ەتىپ قاراعاندى وبلىستىق سوتىنىڭ توراعاسى نۇرسەرىك ءشارىپوۆءتى سايلادى.
جاڭادان قۇرىلعان قاۋىمداستىقتىڭ قۇرامىنا قازاق كۇرەسى, ات سپورتى, توعىزقۇمالاق, ساياتشىلىق, اسىق اتۋ سياقتى ءتول سپورتتىڭ تۇرلەرى كىرەدى.
جيىن بارىسىندا قاۋىمداستىق توراعاسى الداعى جوسپارلارىمەن ءبولىستى. ەڭ الدىمەن ول وبلىس ورتالىعىندا جاڭا اتشابار سالۋ جوباسىن قولعا الاتىنىن ايتتى. ال وبلىستىق دەنە شىنىقتىرۋ جانە سپورت باسقارماسىنىڭ باسشىسى تەمىرحان ابىلاەۆ جاڭادان قۇرىلعان قاۋىمداستىقتىڭ وڭىردەگى ۇلتتىق سپورت تۇرلەرىنىڭ دامۋىنا قوماقتى ۇلەس قوسارىنا سەنىم ءبىلدىرىپ, ونىڭ توراعاسىنا جەمىستى ەڭبەك تىلەدى.
قاراعاندى وبلىسى
