پارلامەنت • 30 قازان، 2020

ماجىلىستە پارلامەنتتىك سىيلىق تاپسىرىلدى

56 رەت كورسەتىلدى

كەشە ءماجىلىس توراعاسى نۇرلان نىعماتۋلين جۋرناليستەرگە ارنالعان «پارلامەنت ءسوزى» سىيلىعىنىڭ جەڭىمپازدارىنا ءماجىلىس مۇسىنشەسى مەن ديپلومداردى تابىس­تادى، دەپ حابارلادى وسى پالاتانىڭ ءباسپاسوز قىزمەتى.

بيىل ءتورتىنشى رەت وتكىزىلىپ وتىرعان ءداستۇرلى پارلامەنتتىك سىيلىقتىڭ قورىتىندىسى جاز مەزگىلىندە بۇقارالىق اقپارات قۇرالدارى قىزمەتكەرلەرىنىڭ كاسىبي مەرەكەسى قارساڭىندا شىعا­رىلعان بولاتىن. الايدا كارانتينگە بايلانىستى ەستەلىك مۇسىنشەلەر مەن لاۋرەاتتاردىڭ ديپلومدارىن تاپسىرۋ ءراسىمى كۇزگى پارلامەنتتىك سەسسياعا اۋىس­تىرىلعان-دى.

ءماجىلىس توراعاسى «پارلامەنت ءسوزى» سىيلىعىن جەڭىمپازدارعا تابىستاپ، بۇقا­رالىق اقپارات قۇرالدارىنىڭ ەلىمىز­دىڭ دامۋىن­داعى، سونداي-اق دەپۋتات­تىق كور­پۋس پەن جۋرناليستەردىڭ بىرلەس­كەن ناتي­جەلى جۇمىسىن اتاپ ءوتتى. نۇرلان نىعما­تۋليننىڭ اي­تۋىنشا، جۋرنا­ليس­تەردىڭ ءما­جىلىس جۇمىسىن ناسي­حات­تاپ، دەپۋ­تاتتاردىڭ قىز­مەتىن حا­لىققا جەت­كى­زۋدە قوسىپ جاتقان ۇلەس­تەرى وتە زور.

«پارلامەنتتىك جۋرناليس­تيكانى دامى­تۋعا قوسقان ۇلەسى ءۇشىن» اتالىمى بويىنشا سىيلىق «Qazaqstan dauiri» باس ديرەكتورى ساۋلە مەشىتباەۆا مەن «كاراۆان» گازەتىنىڭ باس رەداكتورى يگور شاحنوۆيچكە بەرىلدى.

«ۇزدىك تەلەۆيزيالىق سيۋجەت ءۇشىن» اتالىمىن «حابار» تەلەارناسىنىڭ ءتىلشىسى ينديرا جىلقايداروۆا مەن «ەۋ­رازيا» ءبىرىنشى ارناسىنىڭ» ءتىلشىسى سۆەتلانا پەن­كوۆا يەلەندى.

 «ۇزدىك باسپا جاريالانىمى ءۇشىن» اتالىمىن «Egemen Qazaqstan» گازەتىنىڭ ءتىلشىسى تەمىر قۇسايىن مەن «ليتەر» گازەتىنىڭ ۇجىمى جەڭىپ الدى.

«ۇزدىك ينتەرنەت جانە راديو ماتەريالى» اتالىمىن «Abai.kz» اقپاراتتىق پورتالى جانە سەرىك سابەكوۆ («Kazin­form») يەلەندى. «پارلامەنت ءسوزى» سىي­لىعىنىڭ «ارنايى رەپورتاج» اتالى­مىن «قازاق راديولارىنان» قىمبات دوسجان جانە «حابار 24» تەلەار­نا­سىنىڭ كوررەسپوندەنتى مارك بريۋشكو الدى.

«ۇزدىك بەينە-سۋرەت ماتەريالى ءۇشىن» اتالىمىن «Nur Media» ءفوتوت­ىل­شىسى سوۆەتبەك ماعزۋموۆ جانە «حابار» تەلەار­نا­سىنىڭ باس وپەراتورى ەدىل ەرمەكباەۆ يەلەندى.

سونداي-اق بيىل الەۋمەتتىك جەلىدەگى ۇزدىكتەر انىقتالدى. ولار «الەۋمەتتىك جەلى­دەگى ۇزدىك ماتەريال ءۇشىن» اتالىمىن العاش رەت جۋرناليست-بلوگەر وركەن كەنجە­بەك جانە YEDILOV ONLINE Telegram-كانالىنىڭ اۆتورى ەربول ەدىلوۆ يەلەندى.

سونىمەن قاتار ءماجىلىس توراعاسى نۇرلان نىعماتۋليننىڭ باستاماسىمەن بيىلعى جىلى «پارلامەنت ءسوزى» ارنايى سىي­لىعى» اتالىمى حالقىمىزعا بەل­گىلى جۋرناليست، تانىمال تەلە­جۇر­گىزۋشى، ار­داقتى ازامات، مەزگىل­سىز دۇنيەدەن وتكەن بەيسەن قۇران­بەكتىڭ قۇرمەتىنە بەرىلىپ، ارنايى سىيلىق جارىنا تابىستالدى.

جەڭىمپازدارعا ءماجىلىس مۇسىن­شە­لەرىمەن جانە ارنايى ديپلومدار تابىستالدى.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار