ەرەجە جوباسىن تالقىلاۋعا "ينتەرنيۋس" زاڭگەرى ولگا ديدەنكو, «ينفورمبيۋرو» باس رەداكتورى ميحايل دوروفەەۆ قاتىستى. تالقىلاۋدى بەلگىلى جۋرناليست جانە مەديا ساراپشى ەرجان سۇلەيمەنوۆ جۇرگىزدى.
ۆيتسە-مينيستر ق.ويشىباەۆ جۋرناليستەردىڭ اككرەديتتەۋ پروتسەدۋراسىنان ءوتۋ جانە جەڭىلدەتۋگە باعىتتالعان جاڭا ەرەجەدە قاراستىرىلعان بىرقاتار جاڭالىقتار تۋرالى حابارلادى.
اتاپ ايتقاندا, اتالعان نوۆەللالار تۇراقتى جانە ۋاقىتشا اككرەديتتەۋدى ەنگىزۋدى, ءجۋرناليستى اككرەديتتەۋ ءۇشىن ۇسىنىلاتىن قۇجاتتار تىزبەسىن جانە ولاردى قاراۋ مەرزىمىن قىسقارتۋدى, اككرەديتتەلگەن جۋرناليستەردىڭ ءتىزىلىمىن ەنگىزۋدى, اككرەديتتەۋشى ۇيىمنىڭ ءىس-شارالاردى الدىن الا حابارلاۋ جونىندەگى مىندەتتەرىن, ءجۋرناليستىڭ كۋالىگىن سيپاتتاۋدى, سونداي-اق اككرەديتتەۋشى ۇيىمنىڭ زاڭسىز ءىس-ارەكەتتەرىنە نەمەسە ارەكەتسىزدىگىنە شاعىمدانۋ مۇمكىندىگىن كوزدەيدى.
ونلاين-ترانسلياتسيا بارىسىندا الەۋمەتتىك جەلىلەردى پايدالانۋشىلاردان جۋرناليستەردى اككرەديتتەۋدىڭ جاڭا جۇيەسىنىڭ ودان ءارى جۇمىس ىستەۋى بويىنشا بىرقاتار سۇراقتار مەن ۇسىنىستار ايتىلدى, ولارعا تولىق جاۋاپتار بەرىلدى.
قاتىسۋشىلار وسى ەرەجەنىڭ ازىرلەنۋىنە ريزاشىلىقتارىن ءبىلدىردى. ولاردىڭ پىكىرىنشە, ەرەجە جۋرناليستەردىڭ قىزمەتىنە وڭ اسەر ەتەتىن ءتيىستى راسىمدەر مەن شارتتاردى ەنگىزەدى.
تالقىلاۋ سوڭىندا ۆيتسە-مينيستر جاڭا جۇيەنىڭ جۇمىس ىستەۋى 2021 جىلدىڭ قاڭتارىنان باستالاتىنىن اتاپ ءوتتى.
