رۋحانيات • 28 قازان، 2020

الماتىنىڭ ورتالىق مەشىتى وتتەگى كونتسەنتراتورلارىن تاپسىردى

21 رەت كورسەتىلدى

بۇگىن الماتىنىڭ ورتالىق مەشىتى قالا اكىمدىگىنىڭ قولداۋىمەن جاقىندا اشىلعان ءمودۋلدى ستاتسيونار – قالالىق كلينيكالىق بالالار جۇقپالى اۋرۋلار اۋرۋحاناسىنىڭ فيليالىنا 14 وتتەگى كونتسەنتراتورىن تاپسىردى، دەپ حابارلايدى Egemen.kz

رەكوردتى 2 اي ىشىندە سالىنعان بۇل مەديتسينالىق مەكەمە كوروناۆيرۋس ينفەكتسياسىن جۇقتىرعان ناۋقاستارعا ارنالعان. شاراعا الماتى قالاسى اكىمىنىڭ ورىنباسارى ەرجان باباقۇماروۆ، قالانىڭ باس يمامى ەركىنبەك شوقاي جانە الماتى قالالىق كلينيكالىق بالالار جۇقپالى اۋرۋلار اۋرۋحاناسىنىڭ باس دارىگەرى ەرجان سەرالين قاتىستى.

قالانىڭ باس يمامى ەركىنبەك شوقاي قايىرىمدى ازاماتتاردىڭ اتىنان وتتەگى كونتسەنتراتورلارىن تاپسىرا وتىرىپ، قازاقستان مۇسىلماندارى ءدىني باسقارماسىنىڭ باستاماسىمەن "ومىرگە ءۇمىت سىيلا" قايىرىمدىلىق اكتسياسى جاريالانعانىن اتاپ ءوتتى.

ء"بىز الماتى قالاسىنىڭ تۇرعىندارىنان ءتورت ميلليون تەڭگەدەن استام قاراجات جينادىق جانە جاقىندا اشىلعان بالالار جۇقپالى اۋرۋلار اۋرۋحاناسىنىڭ فيليالىنا 14 وتتەگى كونتسەنتراتورىن الدىردىق. بۇل ءبىزدىڭ ءبىر ەكەندىگىمىزدى، ەلدىڭ اۋىزبىرشىلىگىنىڭ، ىنتىماعىنىڭ ءبىر ەكەندىگىن بىلدىرەتىن باستامالاردىڭ ءبىرى دەپ ەسەپتەيمىز"، دەدى ەركىنبەك شوقاي.

ءوز كەزەگىندە الماتى قالاسى اكىمىنىڭ ورىنباسارى ەرجان باباقۇماروۆ الدىڭعى شەپتە جۇرگەن بارلىق دارىگەرلەر مەن مەديتسينا قىزمەتكەرلەرىنە العىسىن ءبىلدىردى، سونداي-اق قمدب الماتى فيليالىنىڭ مەگاپوليستىڭ كوروناۆيرۋس پاندەمياسىمەن جالپى كۇرەسىنە قوسقان ۇلەسىن اتاپ ءوتتى.

بۇگىنگى تاڭدا الماتىدا مەديتسينالىق ۇيىمداردىڭ كوروناۆيرۋس پاندەمياسىنىڭ ەكىنشى تولقىنىنا دايىندىعى قامتاماسىز ەتىلدى. 32 كوۆيدتى ستاتسيونار ازىرلەندى، ولاردىڭ قۋاتتىلىعى – 7226 توسەك-ورىنعا ارنالعان، سونىڭ ىشىندە 250-ءى رەانيماتسيالىق. سوڭعى ايدا ءتورت جاڭا ەمحانانىڭ قۇرىلىسى اياقتالدى، ونىڭ ىشىندە 300 ورىنعا ەسەپتەلگەن جاڭا ءمودۋلدى ستاتسيونار – قالالىق كلينيكالىق بالالار جۇقپالى اۋرۋلار اۋرۋحاناسىنىڭ فيليالى بار. قالالىق كلينيكالىق بالالار جۇقپالى اۋرۋلار اۋرۋحاناسىندا 48 ءوجج اپپاراتى، 98 وتتەگى كونتسەنتراتورى بار. قالانىڭ مەديتسينالىق مەكەمەلەرىندە بارلىعى 1050 وتتەگى كونتسەنتراتورى بار. قوسىمشا كونتسەنتراتورلار پاتسيەنتتەردى وتتەگى نۇكتەلەرىمەن قامتۋدى كەڭەيتۋگە مۇمكىندىك بەرەدى.

سوڭعى جاڭالىقتار

ءۇي سالعانعا – ۇلكەن كومەك

قوعام • بۇگىن، 08:05

ەكونوميكا دامۋ جولاعىنا شىقتى

ەكونوميكا • بۇگىن، 07:58

تۇركىستاننىڭ جاڭا ءداۋىرى

قوعام • بۇگىن، 07:55

ۇقساس جاڭالىقتار