وسكەمەندە جاڭادان سالىنعان جەكپە-جەك سارايىندا دزيۋدودان قازاقستان چەمپيوناتى ءوتىپ جاتىر. ونىڭ اشىلۋ سالتاناتىندا وبلىس اكىمى بەردىبەك ساپارباەۆ ەل بىرىنشىلىگىنە قاتىسۋشىلاردى چەمپيوناتتىڭ اشىلۋىمەن قۇتتىقتاپ, جاڭا سپورت كەشەنى قۇرىلىسىنىڭ ءبىر جىلعا جەتەر-جەتپەس ۋاقىتتا بوي كوتەرگەنىن, ونى حالىقتىڭ اسار ادىسىمەن سالعاندارىن جەتكىزدى.
وسكەمەندە جاڭادان سالىنعان جەكپە-جەك سارايىندا دزيۋدودان قازاقستان چەمپيوناتى ءوتىپ جاتىر. ونىڭ اشىلۋ سالتاناتىندا وبلىس اكىمى بەردىبەك ساپارباەۆ ەل بىرىنشىلىگىنە قاتىسۋشىلاردى چەمپيوناتتىڭ اشىلۋىمەن قۇتتىقتاپ, جاڭا سپورت كەشەنى قۇرىلىسىنىڭ ءبىر جىلعا جەتەر-جەتپەس ۋاقىتتا بوي كوتەرگەنىن, ونى حالىقتىڭ اسار ادىسىمەن سالعاندارىن جەتكىزدى.
– ايتا كەتۋ كەرەك, كەزەكتى ەل چەمپيوناتىنا بارلىق وبلىستاردان 400-دەن استام دزيۋدوشىلار قاتىسۋدا. جارىس ەرلەر مەن ايەلدەر اراسىندا, كوماندالىق ەسەپتە ءتورت كۇنگە سوزىلماق. جاڭا سپورت سارايىندا ساڭلاقتارعا بارلىق جاعداي جاسالعان. كيىنىپ-شەشىنەتىن جەر, جۋىناتىن بولمەلەر ءازىر, – دەيدى شىعىس قازاقستان وبلىستىق سپورت جانە دەنە تاربيەسى باسقارماسىنىڭ باستىعى, شىعىستا سپورتتىڭ ءوركەندەۋىنە كوپ ۇلەس قوسىپ كەلە جاتقان ءابىل ءدوڭباەۆ.
بۇل جولى الەم كۋبوگىنىڭ يەگەرى گۇلجان يسانوۆا جاراقاتىنا بايلانىستى جارىسقا قاتىسا المادى. ءبىر بۇرىشتا مۇڭايىپ تۇرعان جەرلەسىمىزدى جۇباتۋعا تۋرا كەلدى. جارىستىڭ ءبىرىنشى كۇنى اسا اۋىر سالماقتا تارازدىق رۋزا دوقتىرباەۆا پاۆلودارلىق زارينا بايباتينانى جەڭدى. رۋزامەن سويلەسكەنىمىزدە, ول ءوزىن سامات ومىراليەۆ جاتتىقتىراتىنىن, جاستار اراسىندا الەم چەمپيوناتىندا 7-ورىن العانىن, جەڭىستى كۇندەردىڭ ءالى الدا ەكەنىن ايتتى.
شەبەرلىكتە شەك جوق ەكەنى بەلگىلى. 100 كيلوعا دەيىنگى سالماقتا كۇرەسكەن الەم چەمپيونى ماكسيم راكوۆ قارسىلاستارىن شاق كەلتىرمەي, التىننان القا تاقتى. قىزىلوردالىق رۋسلان ابدىرازاقوۆ كۇمىستى مىسە تۇتتى. ايەلدەر اراسىندا 75 كيلوعا دەيىنگى سالماقتا سايىستار تارتىستى ءوتتى. فينالدا زامزاگۇل فايزوللاقىزى مەن قالجان تايجانوۆا بەلدەسىپ, سوڭعىسى ەل چەمپيونى دەگەن اتاققا جەتتى. زەرە بەكتاسقىزى مەن دينارا قوداروۆا قولا مەدالدى قاناعات تۇتتى.
جارىستىڭ ەكىنشى جانە ءۇشىنشى كۇندەرىندە مىنالار چەمپيوندىق اتاققا يە بولدى. ەرلەر: 66 كيلو – جانساي سماعۇلوۆ (قاراعاندى وبلىسى),73 كيلو – داستان ىقىباەۆ (شقو), 81 كيلو – ءازيز قالقامان ۇلى (جامبىل وبلىسى), 90 كيلو – بولات تيمۋر (استانا). ايەلدەر: 52 كيلو – ولەسيا كۋتسەنكو (ماڭعىستاۋ وبلىسى), 57 كيلو – نازگۇل قۇباشەۆا (اتىراۋ), 65 كيلو – ءماريام ورداباەۆا (الماتى قالاسى), 78 كيلو – البينا امانگەلديەۆا (وقو).
بۇگىن ءابسوليۋتتى جانە كوماندالىق ەسەپتە جەڭىمپازدار انىقتالماق.
وڭداسىن ەلۋباي,
«ەگەمەن قازاقستان».
وسكەمەن.
––––––––––––––
سۋرەتتە: دزيۋدودان ەل چەمپيونى تارازدىق رۋزا دوقتىرباەۆا.
سۋرەتتى تۇسىرگەن اۆتور.
