قازاقستان • 28 قازان، 2020

مەديتسينالىق اۆياتسيا ماماندارى 3185 پاتسيەنتكە كومەك كورسەتتى

3 رەت كورسەتىلدى

9 ايدا ۇلتتىق شۇعىل مەديتسينانى ۇيلەستىرۋ ورتالىعى مەديتسينالىق اۆياتسيا جەلىسى بويىنشا 1647 ۇشۋ ورىندادى. قىزمەت جۇمىسىنىڭ بارلىق كەزەڭىندە 17476 ۇشۋ ورىندالدى، - دەپ حابارلايدى Egemen.kz

مەديتسينالىق اۆياتسيا كۇشتەرىن تارتۋ پاتسيەنتتىڭ ورنالاسقان جەرىندەگى مەديتسينالىق ۇيىمدا مەديتسينالىق جابدىقتىڭ نەمەسە ءتيىستى بىلىكتىلىگى بار مامانداردىڭ بولماۋىنا بايلانىستى ونى كورسەتۋ مۇمكىن بولماعان كەزدە قازاقستان رەسپۋبليكاسىنىڭ شالعاي ەلدى-مەكەندەرىندە تۇراتىن حالىققا ۋاقتىلى جانە ساپالى مەديتسينالىق كومەك كورسەتۋدى قامتاماسىز ەتۋ ءۇشىن قاجەت. باسقاشا ايتقاندا، شۇعىل جاعدايلار تۋىنداعان جاعدايدا، مەديتسينالىق اۆياتسيا ورنالاسقان جەرىنە جانە باعىتتىڭ قيىندىعىنا قاراماستان، وعان مۇقتاج ءاربىر ادامعا اۋە كولىگىن پايدالانا وتىرىپ، بارىنشا جىلدام جانە ساپالى مەديتسينالىق كومەك كورسەتۋگە ارنالعان.

اعىمداعى جىلدىڭ قاڭتار ايىنان قىركۇيەك ايىنا دەيىن مەديتسينالىق اۆياتسيا ماماندارى 3185 پاتسيەنتكە مەديتسينالىق كومەك كورسەتتى، 3684 مەديتسينالىق قىزمەت، ونىڭ ىشىندە: 1896 پاتسيەنت تاسىمالداندى (51،5 %)، 188 كونسۋلتاتسيا (5،1 %) مەن 128 وپەراتسيا (3،5 %) جانە 1472 تەلەمەديتسينالىق كونسۋلتاتسيا (40 %) كورسەتىلدى.وسى كەزەڭدە مەديتسينالىق اۆياتسيا قىزمەتى دونورلىق ورگانداردى تاسىمالداۋ ماقساتىندا 2 ۇشۋدى جۇزەگە اسىردى.

مەديتسينالىق اۆياتسيا نىسانىندا شۇعىل مەديتسينالىق كومەك كورسەتۋ ءۇشىن نەگىزگى سەبەپتەر: بالالار جاسىنداعى پاتولوگيا (25،6 %)، جاراقاتتار، جازاتايىم وقيعالار جانە ۋلانۋلار (14،5 %)، اكۋشەرلىك-گينەكولوگيالىق پاتولوگيا (14،4 %)، قان اينالىمى جۇيەسىنىڭ اۋرۋلارى (11،1 %)، جاڭا تۋعان نارەستەلەر پاتولوگياسى (8،9 %) جانە باسقا دا اۋرۋلار (25،5%) بولىپ تابىلادى.

مەديتسينالىق اۆياتسيا كۇشتەرىن تارتۋ تەك رەسپۋبليكا شەگىندە عانا جۇزەگە اسىرىلمايدى، سونداي-اق ۇلتتىقشۇعىل مەديتسينانى ۇيلەستىرۋ ورتالىعى شەتەلدە قيىن حالدە جاتقان قازاقستان رەسپۋبليكاسىنىڭ ازاماتتارىن نەمەسە قانداستاردى حالىقارالىق تاسىمالداۋدى ۇيىمداستىرادى. 2020 جىلعى 9 ايدا شەتەلدىك كلينيكالاردان قر مەديتسينالىق اۆياتسياسىمەن وتاندىق مەديتسينالىق ۇيىمداردا ەمدەۋدى جالعاستىرۋ ءۇشىن قر ازاماتتارىن تاسىمالداۋ ءۇشىن 8 ۇشۋ ورىندالدى. 2011 جىلدان باستاپ اعىمداعى جىلدىڭ 9 ايى ارالىعىنداعى كەزەڭدە مەديتسينالىق اۆياتسيا قر ازاماتتارىن تاياۋ جانە الىس شەتەلدەردەن (تايلاند، تۇركيا، شۆەيتساريا، اقش، وڭتۇستىك كورەيا، ەگيپەت، قىرعىزستان، قىتاي حالىق رەسپۋبليكاسى، رەسەي فەدەراتسياسى جانە ت.ب.) تاسىمالداۋ ءۇشىن 80 ۇشۋدى ورىندادى.

مەديتسينالىق اۆياتسيا كۇشىمەن كومەك كورسەتىلەتىن پاتسيەنتتەردىڭ باسىم بولىگى – بۇل اۋىر جاراقاتتارى بار، ونىڭ ىشىندە جول-كولىك وقيعالارى ناتيجەسىندە الىنعان پاتسيەنتتەر، بالالار مەن جاڭا تۋعان نارەستەلەر، جۇكتى ايەلدەر جانە جۇرەك-قان تامىرلارى پاتولوگياسى بار پاتسيەنتتەر. وسىنداي جاعدايلاردا ءتيىستى مەديتسينالىق ۇيىمعا جەدەل جانە قاۋىپسىز تاسىمالداۋ پاتسيەنتتىڭ ءومىرى مەن دەنساۋلىعىن ساقتاۋ ءۇشىن اسا ماڭىزدى تالاپ بولىپ تابىلادى.

سوڭعى جاڭالىقتار

ۇقساس جاڭالىقتار