«مەن تۋعان ەلىمنىڭ پاتريوتىمىن»– دەيدى ارتەم ياكوۆەنكو
ارتەمعا حابارلاستىق. ءبىزدىڭ وتىنىشىمىزگە بىردەن قۇلاق اسىپ, قازاق تىلىندە ەكى-ءۇش اۋىز ءسوز قوسىپ جاۋاپ بەردى. بۇل «بولاشاق» ستيپەندياسى يەگەرىنىڭ مەملەكەتتىك تىلگە دەگەن قۇرمەتىن بايقاتتى. ەندى, مىنە, ءسۇپ-سۇيكىمدى بالاڭ جىگىت بىزگە ءوزى تۋرالى اڭگىمەلەپ وتىر.
«مەن تۋعان ەلىمنىڭ پاتريوتىمىن»– دەيدى ارتەم ياكوۆەنكو
ارتەمعا حابارلاستىق. ءبىزدىڭ وتىنىشىمىزگە بىردەن قۇلاق اسىپ, قازاق تىلىندە ەكى-ءۇش اۋىز ءسوز قوسىپ جاۋاپ بەردى. بۇل «بولاشاق» ستيپەندياسى يەگەرىنىڭ مەملەكەتتىك تىلگە دەگەن قۇرمەتىن بايقاتتى. ەندى, مىنە, ءسۇپ-سۇيكىمدى بالاڭ جىگىت بىزگە ءوزى تۋرالى اڭگىمەلەپ وتىر.
–ارتەم, «بولاشاق» باعدارلاماسىنىڭ ستيپەندياتى اتانعان كۇن ەسىڭدە مە؟
– مەن 2005 جىلى وبلىس ورتالىعىنداعى №22 مەكتەپتى ءبىتىردىم. ءاربىر جاستىڭ الدىندا بۇل كەزدە تولعان تاڭداۋ, ماقساتتار تۇرادى عوي. ارينە, باسقا قالالارعا بارىپ تا وقۋعا بولادى. بىراق, مەن سول كەزدە ءوزىمنىڭ تۋعان قالام پاۆلودارداعى سۇلتانماحمۇت تورايعىروۆ اتىنداعى مەملەكەتتىك ۋنيۆەرسيتەتتى تاڭداعان ەدىم. وقۋ ورنىن تاڭداعانىڭمەن, ماماندىق تاڭداۋ وڭاي ەمەس. ۋنيۆەرسيتەتتىڭ «باسقارۋ جۇيەلەرىن اۆتوماتتاندىرۋ» جانە «مەترولوگيا, ستاندارتتاۋ جانە سەرتيفيكاتتاۋ» اتتى ەكى ءبولىمنىڭ بىرىنە بارۋ كەرەك بولدى. بىراق, ءبىر كۇنى ءبارى دە كۇتپەگەن جەردەن وزگەردى. سول 2005 جىلى مامىر ايىندا سىنىپ جەتەكشىم ۆالەنتينا مەليحوۆا بىزگە ەلىمىزدەگى «بولاشاق» باعدارلاماسى جايلى ايتىپ بەردى. جانە مەنىڭ ۇبت-دان العان كورسەتكىشتەرىم بۇل باعدارلامانىڭ تالاپتارىنا ساي كەلەدى ەكەن. اتا-انام قاتتى قۋاندى. وسى باعدارلاما ارقىلى وقۋعا تۇسۋگە بەل بۋدىم.
ءسويتىپ مەن رەسەيدە وقۋدى ءجون سانادىم. نوۆوسيبيرسكىنىڭ مەملەكەتتىك تەحنيكالىق ۋنيۆەرسيتەتىن تاڭدادىم. استاناعا كەلىپ ماتەماتيكا, فيزيكا, ورىس تىلىنەن ەمتيحان تاپسىردىم.
– سونىمەن, كۇتكەن كۇن دە كەلدى.
– ءيا, بۇل كۇن ەستەن كەتپەيدى. تامىز ايىندا ەمتيحان قورىتىندىسى بەلگىلى بولىپ, ءماسكەۋدەگى اۆياتسيالىق ينستيتۋتقا «بولاشاقتىڭ» جولداماسىن بەردى.
وسىلايشا, 2005 جىلدىڭ 12 قىركۇيەگى ماڭگى ەسىمدە قالدى. قازاقستاندىق ستۋدەنتتەر استانادان ماسكەۋگە ۇشتىق.
ەكىباستۇزدان بارعان ازات وتەشوۆپەن ءبىر كۋرستا وقىدىق, جاتاقحانادا جەرلەس رەتىندە بىرگە جۇردىك. مەن «بولاشاق» باعدارلاماسىنىڭ الدىنداعى مىندەتىمدى ورىندادىم دەپ ويلايمىن. ينستيتۋتتا جاقسى وقىدىم, ۇنەمى ىزدەنىستە ءجۇردىم. وندىرىستىك تاجىريبەلەردىڭ ءبارىن دە پاۆلودارداعى ءوندىرىس ورىندارىندا وتكىزدىم.
مەن ءوز ەلىمە, قازاقستانعا اسىقتىم. وقۋ بىتىرگەن سوڭ تۋعان قالام پاۆلودارعا ورالدىم. جۇمىسقا ورنالاسۋىما ەش بوگەت بولعان جوق. قازىر «رۋبيكوم» سەرىكتەستىگىندە ماماندىعىم بويىنشا جۇمىس ىستەيمىن. وندىرىستىك باسقارۋ جۇيەسىنىڭ جەتەكشىسىمىن.
مەن قالانىڭ قاراپايىم مەكتەبىندە وقىعان وقۋشى رەتىندە ارقاشان ەلباسى نۇرسۇلتان نازارباەۆقا العىس ايتامىن. پرەزيدەنتتىڭ «بولاشاق» باعدارلاماسى ارقىلى ومىردە ءوزىم تاڭداعان ماماندىققا قول جەتكىزدىم. ماسكەۋدە وقىپ, ەلىمە كەلدىم. مەن – قازاق ەلىنىڭ پاتريوتىمىن.
فاريدا بىقاي,
«ەگەمەن قازاقستان».
پاۆلودار.
ولگانىڭ ورالۋى
«التى الاشتىڭ بالاسى باس قوسسا, مۇعالiم جوعارىدان ورىن الۋى كەرەك» دەگەن ەكەن بiر كەزدەرi ماعجان جۇماباەۆ. ارينە, بۇل قازان توڭكەرiسiنiڭ تۇسىندا, قازاق دالاسىندا مۇعالiم قات زاماندا ايتىلعان ءسوز شىعار, بiراق قانداي زامان, قانداي ۋاقىت بولسا دا مۇعالiمنiڭ بەدەلi, ابىرويى ەش تومەندەمەيتىنى انىق. ويتكەنى, ءبىزدىڭ ەلدە بارلىق جول مەكتەپكە اپارادى. ايتەۋىر, بiزدە وسى بiر كيەلi شاڭىراققا باس سۇقپاعان, بiلiم الماعان, قوڭىراۋىنىڭ سىڭعىرىن ەستiمەگەن ادام كەمدە-كەم. بالكiم, جوق تا بولار...
ءبىز اڭگىمە ەتكەلى وتىرعان ولگانىڭ اناسى مۇعالىم بولعان ەكەن. جاس قىز كىشكەنتايىنان اناسىنا ەلىكتەپ, وسىنداي اسقاق ماماندىق يەسى بولۋدى, ۇستاز بولۋدى, بالا وقىتۋدى ارمانداپ ءوسىپتى. ايتەۋىر, اناسى سياقتى ەڭبەكقور, ءبىلىمدى, تالاپشىل بولۋعا تىرىسىپتى. شىمكەنت قالاسىنىڭ قاق ورتاسىنداعى №8 م.ح.دۋلاتي اتىنداعى مەكتەپ-گيمنازيا وڭتۇستىكتىڭ عانا ەمەس, بۇكىل ەلىمىزدىڭ ءبىلىم سالاسىندا ۇلكەن جەتىستىككە قول جەتكىزىپ, ۇنەمى بيىكتەن كورىنىپ جۇرگەن جايى بار. ايتەۋىر, ەلدىڭ ءبارى بالالارىن وسى مەكتەپتە وقىتقىسى كەلەدى. ولگا دا العاش رەت وسى مەكتەپتىڭ تابالدىرىعىن اتتادى. بار ەرىك-جىگەرىن, قايراتىن ءبىلىم جولىنا جۇمساي بىلگەن جاس قىز قايدا جۇرسە دە, قايدا وقىسا دا ۇزدىكتەردىڭ قاتارىندا بولدى. م. اۋەزوۆ اتىنداعى وقمۋ-ءدىڭ الەم تىلدەرى جانە قاتىناستارى فاكۋلتەتىن بىتىرگەننەن كەيىن ءبىلىمدى قىزدىڭ باعى جانىپ, «بولاشاق» باعدارلاماسى بويىنشا كانادا ەلىنە جول تارتتى. وسىنداعى مانيتوبا ايماعىنىڭ ۆيننيپەك قالاسىندا ءدارىس الىپ, ەكى جىلدان كەيىن ەلگە ورالدى. شەت تىلدەرىنىڭ مامانى اتانعان ولگا بىردەن تۋعان شاھارى – شىم-قالاعا تارتىپتى. تۋعان جەرگە تۋ تىگىپ, بۇگىندە بەلسەنىپ جۇمىس ىستەپ جاتقانىنا بىرنەشە جىلدىڭ ءجۇزى بولعان وعان اڭگىمە بارىسىندا «نەگە استانا, الماتىدا قالمادىڭ, قانشا دەگەنمەن «بولاشاق» باعدارلاماسىمەن بىتىرگەندەرگە كوپ جەردە جول اشىق, مۇمكىندىك زور ەدى عوي...» دەگەن سۇراقتى دا قويعانىمىز راس.
«ەلدىڭ ءبارى قىزمەت, مانساپ ىزدەپ, استانا, الماتىعا كەتە بەرسە, اۋىل-ايماقتىڭ بالالارىنا كىم ساباق بەرەدى؟ – دەيدى ولگا موروزوۆا. – ەگەمەن ەلىمىزدىڭ ساليقالى ساياساتىنا ۇلكەن راحمەت, ءبىزدىڭ ساپالى ءبىلىم الۋىمىزعا جاعداي جاسادى, قولداۋ كورسەتتى. ەندى ءبىز سول قامقورلىقتىڭ وتەۋىن ادال ەڭبەگىمىزبەن قايتارۋىمىز كەرەك ەمەس پە؟ شەتەلدەن العان ءبىلىمىمدى, جيناعان تاجىريبەمدى, ول جاقتىڭ ءبىلىم سالاسىنىڭ جاقسى جاڭالىعىن ەڭ الدىمەن ءوز مەكتەبىمە ەنگىزگىم كەلدى. تۋعان جەرىمە, ءبىلىم العان مەكتەبىمە ورالۋىمنىڭ ءبىر سىرى وسىندا. جاسىراتىنى جوق, ەل اراسىندا «بولاشاق» باعدارلاماسى بويىنشا شەتەلدە وقىپ كەلگەندەرگە دەگەن وتە ەرەكشە كوزقاراس بار. بۇل ارينە, ۇلكەن قۇرمەت, ۇلكەن سەنىم, جاۋاپكەرشىلىك. بىراق, «مەن «بولاشاقتى» ءبىتىرىپ كەلدىم» دەپ ەشقاشاندا ءوزىمدى باسقالاردان جوعارى ۇستامايمىن. «بولاشاق» ءبىزدى ەڭ الدىمەن مادەنيەتتى, ەلدىڭ پاتريوتى, ادال پەرزەنتى بولۋعا ۇيرەتتى. تەرەڭ ءبىلىم بەردى. ال, قالعان جەتىستىك, تابىستىڭ ءبارى تاجىريبە, ەرەن ەڭبەكتىڭ ارقاسىندا كەلەدى. شەتەلدە ءبىلىم الىپ جۇرگەندە بىزگە دە وڭاي بولعان جوق. ەڭ الدىمەن جەرگىلىكتى حالىقتىڭ مىنەز-قۇلقى, تۇرمىس-سالتى, مەنتاليتەتىنە ۇيرەنۋ قيىن بولدى. بىراق, ەلدىڭ اتىنا كولەڭكە تۇسىرمەۋگە تىرىسىپ, جاقسى ءبىتىرۋ ءۇشىن بار كۇشىمىزدى سالدىق. قانشاما جىلدان بەرى وسى مەكتەپتە جۇمىس ىستەپ كەلە جاتقاندىقتان, ءبىلىم سالاسىنىڭ پروبلەماسىن ءبىر كىسىدەي بىلەمىن. مەن كانادادا العان ءبىلىمىم مەن تاجىريبەمدى ۇشتاستىرا وتىرىپ, سول ماسەلەلەردى شەشۋگە تىرىستىم».
ءوز مەكتەبىنە ورالعان ولگانىڭ ەڭبەگى ەش كەتپەپتى. بۇگىندە ونىڭ بىرنەشە شاكىرتى شەتەلدە وقىپ ءجۇر. سولاردىڭ قاتارىندا ءبىرجان الىمبەكوۆ پەن مارينا ليم كانادادا, كونستانتين بالاكيروۆ اقش-تا ءبىلىم الىپ جۇرگەندەرىن ايتۋعا بولادى. ودان بولەك تە قانشاما شاكىرتتەرى تالاي ماماندىق يەسى اتانىپ, ومىردەن ءوز جولدارىن تاۋىپ كەتتى. «جاقسى ۇستاز – شاكىرتتىڭ باقىتى» دەگەن, لايىم ۇستازدان شاكىرت وزا بەرسىن.
ورالحان ءداۋىت,
«ەگەمەن قازاقستان».
وڭتۇستىك قازاقستان وبلىسى.
