ISNA اگەنتتىگىنىڭ حابارلاۋىنشا, گاليبافتىڭ كوروناۆيرۋسقا تاپسىرعان تەستى وڭ بولىپ شىقتى, قازىر ول كارانتيندە. ءماجىلىس توراعاسى ازىرگە ءوزىنىڭ مىندەتتەرىن ورىنداۋدى قاشىقتان جالعاستىرادى.
سوڭعى كۇندەرى يراندا كوروناۆيرۋس جۇقتىرعاندار سانىنىڭ ءوسۋى قايتا بايقالدى. كورسەتكىشتەردىڭ سالىستىرمالى تۇردە تومەندەۋى جازدىڭ سوڭىندا بولعان ەدى. 31 تامىزدا ىندەت جۇقتىرۋشىلار سانىنىڭ تاۋلىكتىك ءوسىمى سوڭعى اپتالاردا مينيمۋمعا دەيىن تومەندەدى. ول ۋاقىتتا تاۋلىگىنە 1 642 ادامنان كوروناۆيرۋس انىقتالعان. كەيىنىرەك ۆيرۋس جۇقتىرۋشىلار سانى قايتادان كۇرت وسە باستادى.
ەسكە سالا كەتەيىك, يراندا كوروناۆيرۋستىڭ ەكىنشى تولقىنى 15 شىلدەدە جاريالاندى. 27 قازانداعى مالىمەتتەرگە سايكەس, يراندا جۇقتىرعانداردىڭ جالپى سانى 581 824-كە جەتتى, 463 611 ادام ساۋىعىپ, قايتىس بولعانداردىڭ جالپى سانى 32 953-كە جەتتى.
