ماڭعىستاۋ وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىن باسشىسى عازيز نادۋەۆ حابارلاعانداي, ۆەدومستۆوارالىق كوميسسيا وتىرىسىندا كارانتين تالاپتارىن بۇزعان تويحانا, ءدامحانا يەلەرىنە قاتىستى زاڭ جوباسىن ازىرلەۋ تۋرالى باستاما كوتەرىلگەن.
سەبەبى كەي وڭىرلەردە وتباسىلىق مەرەكەلەر ۇيىمداستىرىپ اكىمشىلىك شاراعا تارتىلعان كاسىپكەرلەر تاعى دا كارانتين تالاپتارىن ساقتاماي بىرنەشە رەت توي جاساۋ دەرەكتەرى تىركەلگەن. سونداي-اق وڭىردە سوڭعى 20 كۇندە 27 كارانتين تالابىن بۇزۋ دەرەگى انىقتالعان.
"رەيد بارىسىندا 108 نىساندا زاڭبۇزۋشىلىق انىقتالىپ, 57 (12 جەكە كاسىپكەر, 44 جەكە تۇلعا, 1 زاڭدى تۇلعا) اكىمشىلىك حاتتاما (5 ملن 972 700 تەڭگە) تولتىرىلدى. الداعى ۋاقىتتا كارانتين تالاپتارىن بۇزىپ, ءبىر رەت ايىپپۇل تولەسە دە, تاعى دا كوپشىلىكتى جيناعان كاسىپكەرلەر سوتتىڭ شەشىمىمەن مەيرامحانانى مۇلدە جابۋى مۇمكىن. ۆەدومستۆوارالىق كوميسسيا وتىرىسىندا كارانتين تالاپتارىن بۇزعان تويحانا, كافە يەلەرىنە قاتىستى زاڭ جوباسىن ازىرلەۋ تۋرالى باستاما كوتەرىلدى. وعان سەبەپ, كەي وڭىرلەردە وتباسىلىق مەرەكەلەر ۇيىمداستىرىپ, اكىمشىلىك شاراعا تارتىلعان كاسىپكەرلەر تاعى دا كارانتين تالاپتارىن ساقتاماي, بىرنەشە رەت توي جاساۋ دەرەكتەرى تىركەلگەن", دەدى عازيز نادۋەۆ.
