"ورتالىق سايلاۋ كوميسسياسى الداعى ناۋقاننىڭ كەزەكتى سيپاتىن ەسكەرە وتىرىپ, جەرگىلىكتى اتقارۋشى ورگاندارمەن بىرگە 2020 جىلدىڭ 1 قازانىنداعى جاعداي بويىنشا سايلاۋشىلاردىڭ ءتىزىلىمىن وزەكتەندىردى. اتالعان جۇمىس 1 قازانداعى جاعدايعا سايكەس سايلاۋشىلار تىزىلىمىنە 11 820 318 ادامدى تىركەۋگە مۇمكىندىك بەردى. ەرتەرەكتە, دەرەكوزى ءارتۇرلى بولعان كەزدە كەيبىر ازاماتتار ەكى تۇزىلىمدە نەمەسە بىردە-بىرىندە بولماي شىققان. قازىر بۇل تاجىريبە جويىلدى دەپ سانايمىز", دەدى ول وسك توراعاسىنىڭ ورىنباسارى.
كونستانتين پەتروۆتىڭ ايتۋىنشا, سايلاۋشىلاردىڭ ءتىزىلىمىن قالىپتاستىرۋ سايلاۋ پروتسەسىننىڭ ماڭىزدى ۇيىمداستىرۋشىلىق ەلەمەنتتەرىنىڭ ءبىرى سانالادى.
"سايلاۋشىلاردىڭ ءتىزىلىمى نەگىزىندە ازاماتتار وزدەرىنىڭ ەل پارلامەنتى ءماجىلىسى جانە ءماليحاتتار دەپۋتاتتارىن سايلاۋعا ارنالعان كونستيتۋتسيالىق قۇقىقتارىن جۇزەگە اسىرادى. وسىعان وراي سايلاۋشىلاردىڭ بارىنشا تولىققاندى ءارى ناقتى ءتىزىلىمىن ءتۇزۋ جەكە جەرگىلىكتى اتقارۋشى ورگانداردىڭ عانا ەمەس اكىمدىكتەردىڭ, اۋماقتىق سايلاۋ كوميسسيالارىنىڭ جانە ءاربىر سايلاۋشىنىڭ بىرلەسكەن جاۋاپكەرشىلىگى رەتىندە قاراستىرعان ءجون", دەدى كونستانتين پەتروۆ.
