«قىس – قاتال سىنشى» دەپ حالقىمىز بەكەرگە ايتپاسا كەرەك. 2012 جىلدىڭ سوڭى مەن بيىلعى قاڭتار-اقپاندا كەندى التايدىڭ كۇرە جولدارى قالىڭ قار مەن اقتۇتەك بوراننىڭ سالدارىنان 78 كۇن بويى جابىق بولىپ, جولاۋشىلاردىڭ جول ازابىن تارتقانىن قالاي ۇمىتايىق.ءتىپتى تەحنيكاعا بوي بەرمەي, تازالانعان قاردىڭ كۇرە جولدى اينالاسى بەس, ون مينۋتتا باسىپ قالعانىنا كۋا بولدىق. ۇستىمىزدەگى جىلدىڭ اقپانىندا زايسان اۋدانىنا ساپارعا شىققان بىزدەر قالباتاۋدان اسا الماي, باراردا جانە قايتاردا ەكى كۇن بويى جولدا تۇنەپ, اقىرى شار ارقىلى پوەزبەن جەتكەنىمىز ەستە قالىپتى. ال بيىل قالاي بولماق؟
«قىس – قاتال سىنشى» دەپ حالقىمىز بەكەرگە ايتپاسا كەرەك. 2012 جىلدىڭ سوڭى مەن بيىلعى قاڭتار-اقپاندا كەندى التايدىڭ كۇرە جولدارى قالىڭ قار مەن اقتۇتەك بوراننىڭ سالدارىنان 78 كۇن بويى جابىق بولىپ, جولاۋشىلاردىڭ جول ازابىن تارتقانىن قالاي ۇمىتايىق.ءتىپتى تەحنيكاعا بوي بەرمەي, تازالانعان قاردىڭ كۇرە جولدى اينالاسى بەس, ون مينۋتتا باسىپ قالعانىنا كۋا بولدىق. ۇستىمىزدەگى جىلدىڭ اقپانىندا زايسان اۋدانىنا ساپارعا شىققان بىزدەر قالباتاۋدان اسا الماي, باراردا جانە قايتاردا ەكى كۇن بويى جولدا تۇنەپ, اقىرى شار ارقىلى پوەزبەن جەتكەنىمىز ەستە قالىپتى. ال بيىل قالاي بولماق؟
سەنبى كۇنى وسكەمەندەگى رەسپۋبليكا الاڭىندا 2013-2014 جىلعى قىس ماۋسىمىندا قار تازالايتىن تەحنيكالاردىڭ ازىرلىگى جايىندا تەكسەرىس بولىپ, ءوڭىر باسشىسى ب.ساپارباەۆ ارنايى مەكەمە, وبلىستىق توتەنشە جاعدايلار جونىندەگى دەپارتامەنتكە قاراستى بولىمدەردىڭ, وبلىستىق جولاۋشىلار تاسىمالداۋ جانە اۆتوموبيل جولدارى باسقارماسى باستىعىنىڭ مىندەتىن اتقارۋشى نۇرجان ءجۇمادىلوۆتىڭ ەسەبىن تىڭدادى. قاز-قاتار تۇرعان جۇزدەن استام قۋاتتى تەحنيكالار كوزدىڭ جاۋىن الادى. ءتىپتى, اۋا رايى كۇرت بۇزىلىپ, قار استىندا قالىپ قويعان جاعدايدا ادامداردى ىزدەيتىن يتتەر دە ساپتا تۇر.
– بيىل قار تازالايتىن 677 تەحنيكا تولىق دايىن. ونىڭ 30-ىن جاڭادان ساتىپ الدىق. اسا قاۋىپتى جەرلەرگە قار توقتاتاتىن قورعانىشتار قويىلىپ, جول بەلگىلەرى مەن جىلىناتىن باسپانالار ازىرلەندى. جانارماي قورى جەتكىلىكتى. جولدار ءجيى جابىلىپ قالاتىن جەرلەردە ەسكەرتۋ بەلگىلەرى قويىلدى, ەگەر بوران توقتامايتىن بولسا كەشكى 17.00-دە جولداردى جاۋىپ, تاڭەرتەڭ تازالانىپ بولعانشا كولىكتەردى توقتاتىپ قوياتىن بولدىق, – دەپ نۇرجان ءجۇمادىلوۆ حاباردار ەتتى.
– وتكەن جىلى جولدا قالىپ قويعان جولاۋشىلاردى قۇتقارىپ قالعاندارىڭىزدى بىلەمىن. وبلىستىق اكىمدىك جانارمايعا, بىرنەشە تەحنيكا ساتىپ الۋعا قارجى ءبولدى. اسىرەسە, مىناداي قاردى لاقتىراتىن شنەگى بار تەحنيكالار اۋاداي قاجەت. بيىل قار قالىڭ جاۋىپ, قىس قاتتى بولادى دەگەندى ايتىپ جاتىر اۋا رايىن زەرتتەۋشى ماماندار. دەمەك, قاتال قىسقا ءازىر بولۋىمىز كەرەك, – دەپ ءوڭىر باسشىسى بەردىبەك ماشبەك ۇلى ەسكەرتۋ جاسادى. جالپى العاندا وبلىستاعى مەكەمەلەردىڭ قىسقا ازىرلىگىنە وبلىس اكىمى ريزاشىلىعىن ءبىلدىردى.
وتكەن جىلى قاتتى ايازدا جولدا قالىپ, ادامداردى ۇسىك شالۋ وقيعاسى ورىن العان جوق. تىكۇشاقپەن جۇزدەگەن كولىك يەلەرى ءتيىستى جەرىنە جەتكىزىلدى. الايدا, ساقتانباسا بولمايدى. «جولعا شىققاندا جىلى كيىم, پيما الىپ, ارنايى ىدىستارعا جانارماي قۇيىپ العان ءجون» دەپ ءتيىستى مەكەمە باسشىلارى كەڭەس بەرەدى. ءتىپتى, قاراپايىم عانا مايشام كولىكتىڭ جانارمايى تاۋسىلعاندا بىرنەشە ساعات بويى جىلۋ ۇستاپ تۇرادى ەكەن. ءيا, «جولاۋشى مۇراتى جەتۋ» دەگەن. بىراق قاۋىپسىزدىك شارالارىن ساقتاعاندا عانا ادام ءومىرىن ساقتاپ قالاتىنىمىزدى ۇمىتپاعانىمىز ءجون.
وڭداسىن ەلۋباي,
«ەگەمەن قازاقستان».
شىعىس قازاقستان وبلىسى.
--------------------------------
سۋرەتتەردە: رەسپۋبليكا الاڭىندا تەحنيكالارىمەن ساپقا تۇرعان ماماندانعان قىزمەت وكىلدەرى قىس قيىندىعىنا ءازىر.
سۋرەتتەردى تۇسىرگەن اۆتور.
