جارىس كۇنىنىڭ ەكىنشى جارتىسىندا 1/16 فينالدىق كەزدەسۋلەر باستالدى. كەزدەسۋلەردىڭ بارلىعى تارتىسقا تولى بولدى. جەڭىمپازدار كوپ جاعدايدا ءۇش سەتتىك ماتچتار مەن تاي-برەيكتە انىقتالدى.
ءتۋرنيردىڭ ءبىرىنشى كۇنى جەرگىلىكتى جانكۇيەردىڭ نازارى دميتري پوپكودا بولعان. ۇيىمداستىرۋشىلاردان ۋايلد-كارتا العان قازاقستان تەننيسشىسى كورتتا بارىن سالدى, الايدا جەڭىس قارسىلاسىنا بۇيىردى.
ءبىرىنشى راۋند كەزدەسۋىندە دميتري پوپكوعا مولدوۆا وكىلى رادۋ البوت (الەمنىڭ 85-راكەتكاسى) قارسىلاس اتاندى.
ماتچ اسا تارتىستى جاعدايدا ءوتتى. تەننيسشىلەر ءبىرىنشى سەتتىڭ باسىندا برەيكتەرمەن الماستى. ەسەپ 4:4 بولعاندا دميتري پوپكو سەتكە دوپ بەرىپ, العاشقى پارتيانى ءوز پايداسىنا شەشتى.
ەكىنشى سەتتە 4:1 ەسەبىمەن ۇتىلىپ جاتقان دميتري ەسەپتى تەڭەستىرىپ كەتكەن, الايدا البوت سوڭعى ەكى شەشۋشى ويىندا باسىمدىق تانىتتى. ءۇشىنشى سەت ەكى قارسىلاستىڭ دوپ الماسۋىمەن ءوتتى, دەگەنمەن رادۋ البوت بۇل جولى دا مىقتىلىعىن مويىنداتىپ كەتتى. ەسەپ: 6:4, 4:6, 6:4.
"جۇيكەم سىر بەردى, ادەتتەگى ماتچتاردىڭ ءبىرى دەپ ءوزىمدى سەندىرۋگە تىرىستىم. بۇل مەن ۇيرەنگەن كورت, ءوزىمدى جاقسى سەزىنەمىن. بىراق مەن كەي ساتتەردە تىم سىلبىر ويناعانىمدى مويىندايمىن, تاۋكەلگە بارمادىم, قارسىلاسىم قاي جەردەن ءمۇل كەتەدى دەپ, ونىڭ ويىنىن اڭدۋمەن بولدىم. وسى مەنىڭ قاتەلەگىم بولدى. مەندە بەس بىردەي برەيك-پوينت بولدى, بىراق مەن ولاردى ءساتتى پايدالاندىم دەپ ايتا المايمىن. مۇمكىن مەن جەڭىسكە جەتۋدى كوپ ويلاعان بولارمىن, قاجەت ساتتە بەرىلگەن مۇمكىندىكتى ءمۇلت جىبەرىپ الدىم", - دەدى دميتري پوپكو ويىننان كەيىن.
ەرلەر اراسىنداعى جەكەلەي سىننىڭ نەگىزگى كەستەسىندە ءۇش قازاقستاندىق قالدى: ميحايل كۋكۋشكين, الەكساندر بۋبليك جانە ۋايلد-كارتانىڭ تاعى ءبىر يەگەرى الەكساندر نەدوۆەسوۆ.
ورتالىق كورتتاعى ويىن كۇنىن ءبىرىنشى كۇننىڭ ەڭ تارتىستى كەزدەسۋى اياقتادى. ەلوردا تورىندە ءوتىپ جاتقان تۋرنيرگە الەمدىك دەڭگەيدەگى تەننيس جۇلدىزدارى, جانكۇيەرگە ەسىمدەرى جاقسى تانىس سپورت جۇلدىزدارى جينالدى. سوندىقتان ولاردىڭ ءار-ءبىر كەزدەسۋى سپورتتىق تارتىسقا تولى بولاتىنى انىق.
الەمنىڭ جەتىنشى راكەتكاسى بولعان فەرناندو ۆەرداسكو (يسپانيا) جانە ونىڭ ءبىرىنشى راۋندتاعى قارسىلاسى دجەيمس داكۆورت (اۆستراليا) اراسىنداعى كەزدەسۋ ناعىز شەبەرلەردىڭ بايگەسىنە اينالدى. ەكەۋىنىڭ دە دوپ بەرۋ جىلدامدىعى ساعاتىنا 200 كم جەتتى, شەبەرلىكتەرى ءبىر-بىرىنەن كەم تۇسپەيدى, كورتتا جوعارى دەڭگەيدەگى, ناعىز مىقتىلارعا ساي ويىن كورسەتتى. ۆەرداسكو ءبىرىنشى سەتتە جەڭىسكە جەتتى. ەكىنشىسىندە داكۆورت ەنشىسىنە ەكى سەتبول العان, الايدا اۆستراليالىق ءوز مۇمكىندىگىن ۋىسىنان شىعارىپ الدى. ال تاي-برەيكتە ۆەرداسكونىڭ جولى بولىپ كەتتى: 6:4, 7:6 (7:5).
الەمدىك رەيتينگتىڭ 64 ساتىسىنا ورنالاسقان فرەنسيس تيافۋ 1/8 فينالعا شىعۋ ءۇشىن فرانزۋز كورەنتەنو مۋتەمەن وينادى. تيافۋ كورتتا وزىنە سەنىمدى كورىندە, دوپ بەرۋلەرى دە ءساتتى شىقتى. مۋتە جۇيكەسى سىر بەردىمە بىرنەشە رەت تورەشىمەن ءسوز تالاسىپ قالدى, اقىرى ەسكەرتۋ الدى. شيەلەنىسكە تولى بولعان فينالدىق گەيمدە فرانتسۋز سپورتشىسى قاتەلىككە بوي الدىردى, ال قارسىلاسى بولسا كەزدەسۋدەگى جەڭىس ۇپايىن ءوز پايداسىنا جازدى. ەسەپ: 6:3, 6:2.
Astana Open العاشقى كۇنىنىڭ بارلىق ناتيجەلەرى
ەكىنشى ىرىكتەۋ كەزدەسۋلەرى:
اسلان كاراتسەۆ (رەسەي) – الەكسەي پوپىرين (اۆستراليا): 6:3, 6:3;
دامير دجۋمحۋر (بوسنيا جانە گەرتسەگوۆينا) – ياننيك حانفمان (گەرمانيا): 6:4, 6:4;
يۋيتي سۋگيتا (جاپونيا) – مارك پولمانس (اۆستراليا): 3:6, 6:2, 7:6 (7:5);
ەميل رۋسۋۆۋوري (فينليانديا) – ۆيكتور ترويتسكي (سەربيا): 6:3, 6:7 (3:7), 6:3.
1/16 فينال:
رادۋ البوت (مولدوۆا) – دميتري پوپكو (قازاقستان): 6:4, 4:6, 6:4;
فەرناندو ۆەرداسكو (يسپانيا) – دجەيمس داكۆورت (اۆستراليا): 6:4, 7:6 (7:5);
فرەنسيس تيافۋ (اقش) – كورەنتەن مۋتە (فرانتسيا): 6:3, 6:2;
توممي پول (اقش) – ستەفانو تراۆاليا (يتاليا): 7:6 (7:2), 6:3;
كەمەرون نورري ( ۇلىبريتانيا) – دجوردان تومپسون (اۆستراليا)
