كەشە ماسكەۋدە قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى باقىتجان ساعىنتاەۆتىڭ توراعالىعىمەن ەۋرازيا ەكونوميكالىق كوميسسياسى كەڭەسىنىڭ (ەەك) كەزەكتى وتىرىسى بولىپ ءوتتى.
كەشە ماسكەۋدە قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى باقىتجان ساعىنتاەۆتىڭ توراعالىعىمەن ەۋرازيا ەكونوميكالىق كوميسسياسى كەڭەسىنىڭ (ەەك) كەزەكتى وتىرىسى بولىپ ءوتتى.
ەەك وتىرىسىندا كەدەن وداعى جانە بىرىڭعاي ەكونوميكالىق كەڭىستىكتى ودان ءارى دامىتۋدىڭ وزەكتى ماسەلەلەرى قاراستىرىلدى. سونىمەن قاتار, ەەك جۇمىسىنا ۋكراينا, قىرعىزستان جانە ارمەنيادان شاقىرىلعان وكىلدەر قاتىستى.
ەەك كەڭەس مۇشەلەرى ارمەنيا رەسپۋبليكاسىنىڭ كەدەن وداعىنا جانە بىرىڭعاي ەكونوميكالىق كەڭىستىككە (بەك) قوسىلۋ ماسەلەسى جونىندەگى جۇمىس توبىن قۇرۋ تۋرالى شەشىم قابىلدادى. اتالعان جۇمىس توبى ارمەنيانىڭ كەدەن وداعىنا جانە بەك-كە قوسىلۋى بويىنشا جول كارتاسىن ازىرلەۋگە كىرىسەتىن بولادى.
بۇگىنگى وتىرىستىڭ ماڭىزدى ءبىر قورىتىندىسى قىرعىزستان رەسپۋبليكاسىنىڭ كەدەن وداعىنا قوسىلۋى جول كارتاسىنىڭ ماقۇلدانۋى بولدى. اتالعان جۇمىس 2011 جىلعى قازاندا باستالعانى بەلگىلى. باقىتجان ساعىنتاەۆ جول كارتاسىنىڭ جوباسىن مەملەكەتتەر باسشىلارىنىڭ قاراۋىنا ماسكەۋدە وتەتىن جوعارى ەۋرازيالىق ەكونوميكالىق كەڭەستىڭ كەزەكتى وتىرىسى بارىسىندا تالقىعا سالىنۋى جوسپارلانۋدا ەكەنىن اتاپ ءوتتى.
سونىمەن قاتار, ەەك كەڭەسى وتىرىسىندا جەكە تاۋار تۇرلەرىنە (ەلەكتر قوزعالتقىشتى كوندەنساتورلار جانە موتورلى ترانسپورتتىق قۇرالدار) قاتىستى كەدەن وداعىنىڭ بىرىڭعاي كەدەندىك تاريفتىك باجدارىنىڭ يمپورتتىق ستاۆكالارىن قولدانۋ بويىنشا شەشىمدەر قابىلداندى. قر ءبىرىنشى ۆيتسە-پرەمەرىنىڭ ايتۋىنشا, اتالعان شارالار ءىرى ينۆەستيتسيالىق جوبالاردى, سونىمەن قاتار, بىرلەسكەن جوبالاردى ىسكە اسىرۋعا قولايلى جاعداي جاسايدى. سونداي-اق, كەدەن وداعىنداعى ەكولوگيالىق جاعدايلاردى جاقسارتۋعا مۇمكىندىك تۋعىزاتىن بولادى, دەپ حابارلادى وڭىرلىك دامۋ مينيسترلىگىنىڭ ءباسپاسوز قىزمەتى.
