استانانىڭ اينالاسىنداعى ەلدى مەكەندەر كورىكتى بولۋعا ءتيىس. ۇكىمەت باسشىسى سەرىك احمەتوۆ كەشە بۇل تالاپتىڭ 30 شاقىرىمدىق اۋماق بەلدەۋىندەگى اۋىلداردىڭ پروبلەمالارىمەن قاتار, ولارعا ۇلكەن مۇمكىندىكتەر الەۋەتىن بەرەتىنىن مالىمدەدى.
استانانىڭ اينالاسىنداعى ەلدى مەكەندەر كورىكتى بولۋعا ءتيىس. ۇكىمەت باسشىسى سەرىك احمەتوۆ كەشە بۇل تالاپتىڭ 30 شاقىرىمدىق اۋماق بەلدەۋىندەگى اۋىلداردىڭ پروبلەمالارىمەن قاتار, ولارعا ۇلكەن مۇمكىندىكتەر الەۋەتىن بەرەتىنىن مالىمدەدى.
بيىل «اق بۇلاق» باعدارلاماسى اياسىندا 216 اۋىل سۋمەن قامتاماسىز ەتىلەدى. وسى باعىتتا جەراستى سۋلارىن ىزدەستىرۋ-بارلاۋ جۇمىستارى جۇرگىزىلىپ جاتىر. ال كەلەر جىلعى وسىنداي جۇمىستار ءۇشىن 9,2 ملرد. تەڭگە بولىنگەن.
شىعىس قازاقستاندا تۇڭعىش پرەزيدەنت كۇنىنە ارنالعان تاقىرىپتىق ونكۇندىك باستالدى. وبلىس اكىمى بەردىبەك ساپارباەۆ باستاماشى بولىپ وتىرعان ونكۇندىك اياسىندا 600-گە جۋىق ءىس-شارا اتقارىلادى. بۇگىن شەمونايحا قالاسىندا قازاق ءتىلىن مەڭگەرگەن وزگە ۇلت وكىلدەرىنىڭ قاتىسۋىمەن «ءبىر وتان, ءبىر ءتىل – ءبىر ەل» فورۋمى وتەدى.
ماڭعىستاۋ وبلىسىندا جىل سوڭىنا دەيىن ەكى ءوندىرىس ورنىنىڭ جوباسى اياقتالادى. وبلىس اكىمى اليك ايدارباەۆ «كاسپي بيتۋم» جانە «كاسپي تسەمەنت» زاۋىتتارى دەپ اتالاتىن بۇل قۇرىلىمداردىڭ 600 تۇراقتى جۇمىس ورنىن تاۋىپ بەرەتىنىن جەتكىزدى.
اتىراۋدا جەراستى قازىناسىن اشقان عالىم بيلال حاحاەۆتىڭ 80 جىلدىعى اتالىپ ءوتتى. رەسپۋبليكادا قىزمەت ەتكەن جىلدارىندا مۇناي-گاز, گەولوگيا, بارلاۋ, ءوندىرۋ سالالارىنا قاتىستى بىرنەشە كاسىپورىندى بىرىكتىرىپ, قۋاتتى ۇجىمعا اينالدىرعان تۇلعانى وبلىس اكىمى باقتىقوجا ىزمۇحامبەتوۆ قابىلداپ, لايىقتى قۇرمەت كورسەتتى. توي سالتاناتى قۇرمانعازى اتىنداعى مادەنيەت سارايىندا جالعاستى.
قىزىلوردا قالاسىنا قاراستى اقجارما اۋىلىندا 10 جاس مامانعا جاڭا پاتەر كىلتتەرى تابىس ەتىلدى. «ديپلوممەن – اۋىلعا!» باعدارلاماسى بويىنشا جۇزەگە اسقان شارانىڭ سوڭىندا قالا اكىمى نۇرلىبەك نالىباەۆ بۇل ەلدى مەكەندە بيىل بيۋدجەت ەسەبىنەن مۇندا 735 مەتر جولدىڭ ورتاشا جوندەۋدەن وتكەنىن دە مالىمدەدى.
اقمولا وبلىسىندا اۋىلدى تاڭداعان ءاربىر جاسقا جاعداي جاسالادى. كەشە ش.ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىندە وقۋ ورنىن الداعى جىلى بىتىرەتىن ستۋدەنتتەرمەن كەزدەسكەن وبلىس اكىمى قوسمان ايتمۇحامەتوۆ وسىنى ايتتى.
«قازاقپارات», «قازاقستان جاڭالىقتارى», Nur.kz, Bnews.kz, TengriNews, EgemenNews حابارلارى بويىنشا دايىندالدى.
