"قۇرمەتتى ارىپتەستەر, الەۋمەتتىك قورعاۋ جۇيەسىنىڭ ارداگەرلەرى, سىزدەردى كاسىبي مەرەكەلەرىڭىزبەن شىن جۇرەكتەن قۇتتىقتايمىن!
الەۋمەتتىك قىزمەتكەر كۇنى – بۇل قىزمەتى قازاقستاندىقتارعا كومەك كورسەتۋمەن تىعىز بايلانىستى بولىپ كەلەتىن ادامداردىڭ مەرەكەسى. كۇن سايىن سىزدەر ءبىزدىڭ قۇرمەتتى زەينەتكەرلەرىمىزدىڭ يگىلىگى ءۇشىن ەڭبەك ەتەسىزدەر, مۇگەدەكتىگى بار ادامدارعا, بالالى وتباسىلارعا جانە تابىسى از ازاماتتارعا كومەكتەسەسىزدەر. سىزدەردىڭ ارقالارىڭىزدا قيىن ومىرلىك جاعدايعا تاپ بولعان قازاقستاندىقتار ونى ەڭسەرۋ ءۇشىن قاجەتتى قولداۋ الادى.
ءوز مىندەتتەرىڭىزدى ورىنداي وتىرىپ, قامقورلىققا مۇقتاج بارلىق ادامدارعا مەيىرىمدىلىك, جان جىلۋىن جانە جارقىن بولاشاققا دەگەن ءۇمىت سىيلايسىزدار. سىزدەردىڭ كاسىبي قىزمەتىڭىز جاناشىرلىق, گۋمانيزم, ىزگىلىك جانە شىدامدىلىق سياقتى قاراپايىم ادامي قاسيەتتەرگە نەگىزدەلەدى.
تاۋەلسىزدىك جىلدارىندا قازاقستاندا الەۋمەتتىك مەملەكەتتىڭ بەرىك ىرگەتاسى قالاندى. كوپ جاعدايدا بۇل سىزدەردىڭ ەڭبەكتەرىڭىز.
حالىقتى الەۋمەتتىك قورعاۋ جۇيەسىنىڭ ارداگەرلەرىنە شىن جۇرەكتەن العىسىمدى بىلدىرگىم كەلەدى. سىزدەردىڭ قازاقستاننىڭ الەۋمەتتىك جۇيەسىن دامىتۋعا قوسقان ۇلەستەرىڭىز ەڭ جاقسى ءارى جىلى سوزدەرگە لايىق.
بارلىق الەۋمەتتىك قىزمەتكەرلەردى ءتول مەرەكەلەرىمەن شىن جۇرەكتەن قۇتتىقتايمىن! سىزدەرگە زور دەنساۋلىق, ۇزاق جانە باقىتتى ءومىر, وتباسىڭىز بەن جاقىندارىڭىزعا اماندىق تىلەيمىن!", – دەلىنگەن ءبىرجان نۇرىمبەتوۆتىڭ قۇتتىقتاۋىندا.
