تەاتر • 23 قازان، 2020

تاڭعاجايىپ بالەت باعدارلاماسى

18 رەت كورسەتىلدى

«استانا وپەرا» تەاترى ۇجىمى اسقاق كلاسسيكاعا جانى قۇمار كو­رەرمەندى تاعى ءبىر تاماشا جوباسىمەن قۋانتقالى وتىر. 21، 24 جانە 31 قازان كۇندەرى ۇلكەن زال ساحناسىندا ونەرسۇيەر قاۋىم نازارىنا رەسەيدىڭ حالىق ءارتىسى، تەاتردىڭ بالەت ترۋپپاسىنىڭ كوركەمدىك جە­تەكشىسى التىناي اسىلمۇراتوۆا دايىنداعان ويىن-ساۋىق باعى­تىن­داعى بالەت قويىلىمدارى، سون­داي-اق تاڭعاجايىپ گالا-كونتسەرت باعدارلامالارى ۇسىنىلاتىن بولادى. ەلەڭ ەتكىزەرلىك ەرەكشە جاڭالىق م.پەتيپا ءبيىن قويعان ا.گلازۋنوۆتىڭ «رايموندا» بالە­تىنەن گران-پانىڭ العاشقى ورىندالۋى بولماق.

سونىڭ نەگىزگىسى – «استان وپەرا» ساحناسىندا كورسەتىلگەن ەكى بولىمنەن تۇ­راتىن گالا-بالەت تالعامپاز كورەرمەن كوڭىلىن سەرپىلتكەنى ءسوزسىز. كەشتىڭ ءبىرىنشى بولى­مىندە ر.رەبەك ءبيىن قويعان «بەتحوۆەن – ماڭگىلىك – ماحاببات» بالەتىنەن كورىنىس، م.پەتيپا ءبيىن قويعان ا.اداننىڭ «كور­سار» بالەتىنەن پا-دە-ترۋا، د.بريانتسەۆ ءبيىن قويعان ف.شوپەننىڭ «قيالداعى بال» بالەتىنەن دۋەت، دج.ۋيليامستىڭ مۋ­زىكاسىنا قويىلعان ك.زۆەرەۆانىڭ «جو­عالعان جۇماق»، م.پەتيپا ءبيىن قوي­عان ر.دريگونىڭ «تاليسمان» بالە­تىنەن پا-دە-دە ۇسىنىلدى. ۇلكەن زال ساح­ناسىندا ترۋپپانىڭ تانىمال ار­تىس­تەرى ايگەرىم بەكەتاەۆا جانە باق­تيار ادامجان، جەتەكشى سوليس­تەر – انەل رۇستەموۆا، گاۋحار ۋسي­نا، ەركىن راحماتۋللاەۆ، تالانتتى سو­ليس­تەر اناستاسيا زاكلينسكايا، شۇ­عىلا ادەپحان، دالەر زاپاروۆ جانە بالەت ارتىستەرى باقىتگۇل يسپانوۆا، جانى­بەك يمانقۇلوۆ، دياس قۇرمانعازى، جاك­سى­لىق ساۋقىمبەكوۆ ونەر كورسەتتى. كەش شىمىلدىعىن «استانا وپەرا» بالەت ارتىستەرىنىڭ ورىنداۋىندا نەمىس حو­رەوگرافى ر.رەبەكتىڭ «قازىرگى ءسات قان­شا ۋاقىتقا سوزىلادى؟» اتتى ءبىر ءبو­لىمدى بالەتى جاپتى. ۋاقىت پارتياسىن ورىنداعان ارمان ورازوۆ، بوزبالالىق شاق – ءنازيرا زاەتوۆا مەن ايبار توقتار، جاستىق شاق – ايگەرىم بەكەتاەۆا مەن ولجاس تارلانوۆ، كەمەلدەنگەن شاق – ماريكو كيتامۋرا مەن رۇستەم سەيىت­بە­كوۆ ونەرى تەاترعا جينالعان تالعامپاز قاۋىمعا ءسوزسىز تاڭداي قاققىزدى.

سونداي-اق باعدارلامانىڭ ەكى ءبو­لىمى اراسىندا كورەرمەندەرگە ارنا­يى دايىندالعان مۋزىكالىق ءۇزىلىس بالەت­سۇيەر قاۋىمدى بەيجاي قالدىرمادى. «استانا وپەرا» تەاترىنىڭ كامەرالىق وركەسترى قازاقستاننىڭ ەڭبەك سىڭىرگەن قايراتكەرى ابزال ءمۇحيتديننىڭ باسقا­رۋىمەن ج.ماسسنەنىڭ «تايس» وپەراسىنان «مەديتاتسيا» ورىندالدى. سوليست – باعدات ءابىلحانوۆ (سكريپكا). وسىعان ۇقساس مۋزىكالىق ينتەرمەتستسو العاشقى رەت قالامقاس جۇماباەۆانىڭ (سكريپكا) جانە دولورەس ۇمبەتاليەۆانىڭ (فورتە­پيانو) ورىنداۋىندا 10 قازان كۇنى كو­رەرمەندەرگە ۇسىنىلعان بولاتىن. جاڭا ەنگىزىلىم ەلوردالىق كورەرمەندى ءتانتى ەتىپ ۇلگەردى. ونىڭ ايقىن دالەلى – كەش سوڭىنان تولاسسىز سوعىلعان شاپالاق ءۇنى.

«استانا وپەرانىڭ» تاڭعاجايىپ بالەت باعدارلاماسى مۇنىمەن شەكتەلمەيدى. سونىمەن قاتار 24 قازان كۇنى ساعات 18:00-دە تەاتردىڭ ۇلكەن زالىندا گالا-بالەت وتەدى. كورەرمەندەردى «استانا وپەرا» تەات­رى جۇلدىزدى بالەت ارتىستەرىنىڭ ورىنداۋىندا كلاسسيكالىق بالەتتەردەن پا-دە-دە، زاماناۋي وتاندىق جانە شەتەلدىك حورەوگرافتاردىڭ مينياتيۋرالارى كۇتەدى. حالىق ءسۇيىپ كورەتىن يۋ.گريگوروۆيچتىڭ حورەوگرافياسىنداعى پ.چايكوۆسكيدىڭ «ششەلكۋنچيك» بالەتىنەن ۇلكەن اداجيو جانە «قىزعىلت ءتۇستى ۆالس» تۋىن­دى­لارى كونتسەرتتىڭ ءسانىن كەلتىرمەك. باع­دار­لاما اياسىندا «استانا وپەرا» ساحناسىندا العاش رەت م.پەتيپا ءبيىن قويعان ا.گلازۋنوۆتىڭ «رايموندا» بالەتىنەن ايگىلى گران-پا ورىندالاتىن بولادى. ايتا كەتەتىن جايت، ايتۋلى نومىرگە ارنايى كوستيۋم دە تىگىلىپتى. «رايموندا» ەڭ اسەرلى جانە كوپكورىنىستى بالەتتەر قاتارىنا جاتادى. ورتا عاسىر ءداۋىرىنىڭ سال-سەرىلىك اڭىزدارىنا نەگىزدەلىپ رومانتيكاعا قۇرىلعان سيۋجەت، وزىنە باۋ­راپ الاتىن مۋزىكا مەن مانەرلى حورەوگرافيا بۇل سپەكتاكلدى ايگىلى كومپوزيتور مەن اڭىزعا اينالعان حورەوگرافتىڭ زور جەڭىسىنە اينالدىردى.

ال 31 قازان كۇنى ەلوردا تۇرعىن­دارى مەن قوناقتارىنىڭ نازارىنا ل.دە­ليب­تىڭ مۋزىكاسىنا XX عاسىردىڭ اي­گىلى حورەوگرافى رولان پەتي قوي­عان «كوپپەليا» كۇلدىرگى بالەتى ۇسىنى­لا­تىن بولادى. ليبرەتتوسى شەبەر كوپ­پەليۋس جاساعان مەحانيكالىق قۋىر­شاقتى ۇناتىپ قالعان ءجاسوسپىرىم تۋرالى ە.ت.ا.گوفماننىڭ «قۇم ادام» نوۆەل­لاسىنىڭ نەگىزىندە جا­زىلعان. سپەكتاكلدى «استانا وپە­را» ساحناسىندا ر.پەتيدىڭ تۇراقتى اس­سيس­تەنتى يتاليالىق ايگىلى حورەوگراف لۋيدجي بونينو قويدى. ايتۋلى تۋىن­دىدا تەاتردىڭ بالەت ارتىستەرى مەن ميمانس ونەر كورسەتەدى. اتاپ ايت­ساق، سۆانيلدانىڭ وبرازىن ايگەرىم بەكەتاەۆا، فرانتستى باقتيار ادامجان كەيىپتەسە، كوپپەليۋستىڭ ءرولىن رۇستەم سەيىتبەكوۆ سومدايدى دەپ كۇتىلۋدە.

 

سوڭعى جاڭالىقتار

سينگاپۋردىڭ سوڭعى اۋىلى

الەم • بۇگىن، 17:55

پەتر يان ۇزدىكتەر قاتارىنا ەندى

جەكپە-جەك • بۇگىن، 16:05

ۇقساس جاڭالىقتار