ۇكىمەت • 22 قازان، 2020

اسقار ءماميننىڭ توراعالىعىمەن ينۆەستيتسيالىق احۋالدى جاقسارتۋ جونىندەگى كەڭەس ءوتتى

16 رەت كورسەتىلدى

ينۆەستيتسيالىق احۋالدى جاقسارتۋ جونىندەگى كەڭەس قر ەكونوميكاسىن قالپىنا كەلتىرۋ پەرسپەكتيۆاسىن قاراستىردى، دەپ حابارلايدى Egemen.kz پرەمەر-ءمينيستردىڭ ءباسپاسوز قىزمەتىنە سىلتەمە جاساپ.

پرەمەر-مينيستر اسقار ءماميننىڭ توراعالىعىمەن وتكەن ينۆەستيتسيالىق احۋالدى جاقسارتۋ جونىندەگى كەڭەس وتىرىسىندا پاندەميادان كەيىنگى كەزەڭدە قازاقستان ەكونوميكاسىن قالپىنا كەلتىرۋ ماسەلەلەرى قارالدى.

قر-داعى حالىقارالىق قارجى ينستيتۋتتارى مەن ينۆەستيتسيالىق قوعامداستىقتىڭ پەرسپەكتيۆاسى بويىنشا قازاقستاندا اككرەديتتەلگەن اقش ەلشىسى ۋ. موزەر، ۇلىبريتانيا ەلشىسى م. گيففورد، كانادا ەلشىسى ن. برۋسسو، ەۋروپالىق وداق ەلشىسى سۆەن ولوۆ كارلسسون، ەىدۇ ەۋرازيالىق بولىمشەسىنىڭ ديرەكتورى ۋ. تومپسون، ەقدب وكىلدىگىنىڭ ديرەكتورى ا. پرەيمانيس، قازاقستانداعى "شەلل" كونتسەرنىنىڭ توراعاسى و. لازار، سونداي-اق EY جانە Deloitte كومپانيالارىنىڭ وكىلدەرى باياندادى.

قر ينۆەستيتسيالىق ساياساتى مەن داعدارىسقا قارسى قابىلدانىپ جاتقان شارالار تۋرالى ۇلتتىق ەكونوميكا ءمينيسترى ر. دالەنوۆ تۇسىنىك بەردى.

"ۇكىمەت قابىلداعان داعدارىسقا قارسى شارالار پاندەميا سالدارىنان ەكونوميكالىق قۇلدىراۋدى باسەڭدەتۋگە مۇمكىندىك بەردى – ەكونوميكانىڭ ناقتى سەكتورىندا، اتاپ ايتقاندا، قۇرىلىستا (10،5%)، اۋىل شارۋاشىلىعىندا (5%) جانە وڭدەۋ ونەركاسىبىندە (3،3%) وڭ ديناميكا ساقتالدى"، دەدى ا. مامين.

ۇكىمەت باسشىسى ەۋروپالىق قاايتا قۇرۋ جانە دامۋ بانكى، ازيا دامۋ بانكى، حالىقارالىق ۆاليۋتا قورى، سونداي-اق Moody's، Fitch، and Standard&Poor's رەيتينگ اگەنتتىكتەرى سياقتى جەتەكشى حالىقارالىق قارجى ينستيتۋتتارى قر ەكونوميكاسىنىڭ دامۋىنىڭ وڭ بولجامىن راستاعانىن اتاپ ءوتتى.

پرەمەر-مينيستر ەكونوميكانىڭ ودان ءارى ءوسۋىن قامتاماسىز ەتۋ جانە پاندەميادان كەيىنگى جاڭا شىنايى جاعدايلاردا ونىڭ ساپالى جانە تۇراقتى دامۋى ءۇشىن نەگىز قالىپتاستىرۋ ماقساتىندا قازاقستاننىڭ 2025 جىلعا دەيىنگى ستراتەگيالىق دامۋ جوسپارى ازىرلەنگەنىن اتاپ ءوتتى. بۇل رەتتە ۇكىمەت شەتەلدىك كاپيتالدى تارتۋدىڭ جاڭا تۇجىرىمداماسىن ىسكە اسىراتىن بولادى.

"بۇل جۇمىستىڭ قاعيداتتارىنىڭ ءبىرى جوبالاردى دايىنداۋ مەن ىسكە اسىرۋدىڭ ءاربىر ساتىسىندا ينۆەستورلارعا تارگەتتەلگەن كوزقاراس بولماق"، دەدى ا. مامين.

ۇكىمەت باسشىسى ءاربىر ستراتەگيالىق ينۆەستور ءۇشىن سارالانعان قولداۋ «پاكەتتەرىن» قامتاماسىز ەتەتىن ارنايى ينۆەستيتسيالىق كەلىسىمدەرگە قول قويىلاتىنىن اتاپ ءوتتى.

"ينۆەستيتسيا تارتۋ – ءبىزدىڭ جاڭا ەكونوميكالىق مودەلىمىزدىڭ نەگىزگى اسپەكتىسى. ءبىز قازاقستاننىڭ حالىقارالىق ۇستانىمىن سەنىمدى ءارى بولجامدى ينۆەستيتسيالىق باعىت رەتىندە ودان ءارى نىعايتۋ جونىندەگى ۇسىنىمداردىڭ ءتيىمدى ورىندالۋىن قامتاماسىز ەتەمىز"، دەپ تۇيىندەدى ا. مامين.

سوڭعى جاڭالىقتار

ەرلىككە تولى سۋرەتتەر

رۋحانيات • بۇگىن، 13:05

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

«بارىستىڭ» العاشقى ترانسفەرى

حوككەي • بۇگىن، 08:50

«ءان» بە، «ءۇن» بە؟

رۋحانيات • بۇگىن، 08:36

جۋرناليست قاسىم

رۋحانيات • بۇگىن، 08:34

ءسوز سويىل: ءازىل-وسپاق

رۋحانيات • بۇگىن، 08:32

دالالىق وركەنيەت تاعىلىمى

تاريح • بۇگىن، 08:23

بالاباقشانىڭ جوعىنان بارى جاقسى

ايماقتار • بۇگىن، 08:18

ۇقساس جاڭالىقتار