سەناتورلار مەملەكەت باسشىسىنىڭ جولداۋىن ىسكە اسىرۋ اياسىندا ەلءىمىزدەگى ءبىلىم مەن عىلىمنىڭ قازىرگى جاعدايى مەن دامۋ كەلەشەگى ماسەلەلەرى بويىنشا ءبىلىم جانە عىلىم مينيسترىمەن كەزدەستى.
كەزدەسۋگە پارلامەنت سەناتىنىڭ دەپۋتاتتارى, بءىلىم جانە عىلىم, دەنساۋلىق ساقتاۋ, مادەنيەت جانە سپورت, اۋىل شارۋاشىلىعى, قارجى, ۇلتتىق ەكونوميكا, تسيفرلىق دامۋ, ەكولوگيا مينيسترلىكتەرىنىڭ باسشىلارى جانە ءبىلىم جانە عىلىم سالاسىنىڭ وكىلدەرى قاتىستى.
دەپۋتاتتار ءبىلىم جانە عىلىم سالاسىنداعى وزەكتى ماسەلەلەر مەن ۇسىنىلعان شەشىمدەردى بءىلىم جانە عىلىم ءمينيسترى ا.ايماعامبەتوۆپەن بىرلەسە وتىرىپ تالقىعا سالدى.
سونداي-اق ونلاين ءبىلىم بەرۋءدىڭ بىرىڭعايپلاتفورماسىن ازىرلەۋ, قاشىقتىقتان وقىتۋدى ۇيىمداستىرۋ, سانيتاريالىق تالاپتاردى ساقتاي وتىرىپ ءبىلىم الۋدىڭ قالىپتاسقان ءداستۇرلى تاسىلىنە كوشۋ ءتارتىبىن ازىرلەۋ, وقۋشىلاردى قاشىقتىقتان وقىتۋدى تەحنيكالىق تۇردە سۇيەمەلدەۋ, ينتەرنەت بايلانىسىنىڭ بولۋى جانە كومپيۋتەرلەرمەن قامتاماسىز ەتۋ, قالا مەن اۋىل اراسىنداعى ءبىلىم بەرۋ ساپاسىنىڭ الشاقتىعىن قىسقارتۋ, بالالاردى مەكتەپكە دەيىنگى ۇيىمدارمەن قامتاماسىز ەتۋدى ۇيىمداستىرۋ, عىلىمدى قارجىلاندىرۋ جانە جاس عالىمداردى قولداۋ, قاشىقتان وقىلاتىن پاندەر ماسەلەلەرىنە نازار اۋدارىلدى.
سەنات دەپۋتاتتارى وقۋ قۇرالدارىنىڭ اۆتورلارىنا قويىلاتىن جوعارى تالاپتارمەن قاتار ەلىمىزدە تسيفرلىق وقۋلىقتاردى قارقىندى ەنگىزۋ قاجەت دەپ سانايدى. بۇل اسىرەسە قازاقستاندا جانە الەمدە كوروناۆيرۋس پاندەمياسىنىڭ ەكىنشى تولقىنى بايقالعان كەزدە قازاقستاندىق بالالار بۇرىنعىسىنشا قاشىقتىقتان ءبىلىم الىپ جاتقاندا اسا ماڭىزدى بولىپ وتىر.
دەپۋتات دينار نوكەتاەۆا ەرەكشە قاجەتتىلىكتەرى بار بالالار تۋرالى ايتا كەلىپ, وسى ماسەلەگە بءىلىم جانە عىلىم ءمينيسترىنىڭ نازارىن اۋداردى. ا.ايماعامبەتوۆ ءوز كەزەگىندە ەلىمىزدە 425 ارنايى ۇيىم, 200 پسيحولوگيالىق-پەداگوگيكالىق تۇزەتۋ كابينەتى, جۇزگە جۋىق ارنايى مەكتەپ, 38 ارنايى مەكتەپكە دەيىنگى مەكەمە جانە ەرەكشە قاجەتتىلىكتەرى بار بالالارمەن اينالىساتىن 14 وڭالتۋ ورتالىعى جۇمىس ىستەيتىنى تۋرالى حاباردار ەتتى.
مينيستر سونداي-اق قازىرگى ۋاقىتتا ينتەرنەت جەلىسىندە كامەلەتكە تولماعاندارعا قاتىستى قۇقىققا قارسى ءىس-ارەكەتتەر ءۇشىن قىلمىستىق جانە اكىمشىلىك جاۋاپكەرشىلىكتى كۇشەيتەتىن ءارىبالالاردى كيبەربۋللينگتەن قورعاۋ جونىندەگى ەرەجەلەردى زاڭنامالىق بەكىتۋ جۇمىستارىجۇرگىزىلىپ جاتقانىن اتاپ ءوتتى.
كەزدەسۋدە, اسىرەسە, عىلىمدى دامىتۋ ماسەلەلەرى بەلسەندى تۇردە تالقىعا سالىندى. كەزدەسۋگە قاتىسۋشىلار قولدانبالى عىلىمعا, عىلىمدى قارجىلاندىرۋ تەتىكتەرءىن جەتىلدىرۋگە, ونىڭ ىشىندە عىلىمي قىزمەت ناتيجەلەرىن كوممەرتسيالاندىرۋعا باسا نازار اۋدارۋدى ۇسىندى.
