قوعام • 22 قازان، 2020

ۇلتتىق كەڭەس اياسىندا جاريالانعان ساياسي رەفورمالار پاكەتى تولىق ىسكە استى - ەرلان قارين

19 رەت كورسەتىلدى

پرەزيدەنتتىڭ كومەكشىسى ەرلان قارين ۇلتتىق كەڭەستىڭ اياسىندا اتقارىلعان جۇمىستار تۋرالى ايتىپ بەردى، دەپ حابارلايدى Egemen.kz.

"مامىر ايىندا وتكەن ۇلتتىق كەڭەستىڭ ءۇشىنشى وتىرىسىنان كەيىن كەڭەس اياسىندا بىرنەشە باعىتتا اۋقىمدى جۇمىس جۇرگىزىلدى. ەڭ الدىمەن حاتشىلىق تاراپىنان مەملەكەت باسشىسىنىڭ ۇلتتىق كەڭەستىڭ شەڭبەرىندە ايتىلعان باستامالارىن ءتيىستى تۇردە جۇزەگە اسىرۋ باقىلاۋعا الىندى. اتاپ ايتقاندا، ەكىنشى وتىرىستا جاريالانعان ساياسي-ەكونوميكالىق، الەۋمەتتىك رەفورمالار پاكەتتەرىن جۇزەگە اسىرىلۋى ەرەكشە نازارعا الىندى. بۇگىندە ۇلتتىق كەڭەستىڭ اياسىندا جاريالانعان ساياسي رەفورمالار پاكەتى تولىق ىسكە اسىپ، مامىر-ماۋسىم ايلارىندا جەتى زاڭ قابىلدانعان بولاتىن"، دەدى ە.قارين.

ونىڭ ايتۋىنشا، بۇل زاڭدار كوپ پارتيالى جۇيەنىڭ دامۋىنا، ساياسي پارتيالار مارتەبەسىنىڭ ارتۋىنا، جاستار مەن ايەلدەردىڭ وكىلەتتى بيلىك ورگاندارىنا بەلسەندى تارتىلۋىنا، ادام قۇقىعىن قورعاۋعا سەپتىگىن تيگىزەدى.

"سونداي-اق قازىرگى ۋاقىتتا حاتشىلىق ەكونوميكالىق، الەۋمەتتىك رەفورمالار پاكەتىنىڭ جۇزەگە اسىرىلۋىن باقىلاۋدا ۇستاۋدا. ماسەلەن، ۇستىمىزدەگى جىلدىڭ 2 قازانىندا سەناتقا قازاقستان رەسپۋبليكاسىنىڭ زاڭناماسىنا سايكەس، پايدالانىلمايتىن اۋىل شارۋاشىلىعى ماقساتىنداعى جەرگە جەر سالىعىنىڭ بازالىق مولشەرلەمەلەرىن 10-نان 20 ەسە ۇلعايتۋدى قاراستىراتىن زاڭ جوباسى قاراۋعا ەنگىزىلدى. سونداي-اق اۋىل شاراۋشىلىعى جەرلەرىن پايدالانباۋ مەرزىمىن ماجبۇرلەپ قايتارۋ ءۇشىن ەكى جىلدان ءبىر جىلعا قىسقارتۋ نورماسىن قامتيتىن زاڭ جوباسى جىل سوڭىنا دەيىن ءماجىلىس قاراۋىنا وتكىزىلۋى جوسپارلانىپ تۇر"، - دەدى ول.

 

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار