كوميتەت توراعاسى داۋرەن ادىلبەكوۆ بۇعان دەيىن شاعىن جانە ورتا كاسىپكەرلىكتىڭ, بيزنەس قاۋىمداستىقتارىنىڭ وكىلدەرىمەن, سونداي-اق "اتامەكەن" ۇلتتىق كاسىپكەرلەر پالاتاسىنىڭ جانە "دامۋ" كاسىپكەرلىكتى قولداۋ قورىنىڭ باسشىلىعىمەن كەزدەسۋلەر وتكەنىن اتاپ ءوتتى.
سەناتورلار جەڭىلدىكتى قارجىلاندىرۋعا قول جەتكىزۋ, ساۋداعا شىعارۋ الدىنداعى قىزمەت كورسەتۋ, ەكسپورتتالاتىن تاۋارلاردى سەرتيفيكاتتاۋ, اگرارلىق سەكتورداعى شاعىن جانە ورتا بيزنەستى دامىتۋدى تەجەۋشى ماسەلەلەرگە, سونداي-اق سالالىق مەكەمەلەردىڭ شاعىن جانە ورتا بيزنەستى قولداۋ جونىندە قابىلداپ جاتقان شارالارعا نازار اۋداردى. سەنات دەپۋتاتتارى ەلىمىزدەگى ىشكى ساۋدا جانە شەت ەلدەرمەن ساۋدا ىنتىماقتاستىعى جونىندەگى اقپاراتتىق مالىمەتتەردى, سونداي-اق بۇگىنگى كۇنى قانداي كەدەرگىلەر بار ەكەنىن سۇرادى.
كەزدەسۋ بارىسىندا وتىرىسقا قاتىسۋشىلار شاعىن جانە ورتا بيزنەستى ودان ءارى دامىتۋدى كوزدەيتىن ۇسىنىستار ەنگىزدى جانە كاسىپكەرلىك ماسەلەلەرىن رەتتەيتىن زاڭنامانى جەتىلدىرۋ قاجەتتىگىن تالقىلادى. سەناتورلار كەلىپ تۇسكەن سۇراقتار مەن ۇسىنىستاردى پارلامەنتتىك تىڭداۋدا تالقىلاۋ ءۇشىن ودان ءارى پىسىقتاۋ قاجەت دەپ سانايدى جانە ءتيىستى ۇسىنىمدار ازىرلەنەدى.
