قارجى • 22 قازان، 2020

Wildberries ينتەرنەت-دۇكەنى اقشالاي قاراجاتتى وتەيدى

32 رەت كورسەتىلدى

ساۋدا جانە ينتەگراتسيا مينيسترلىگىنىڭ تۇتىنۋشىلاردىڭ قۇقىقتارىن قورعاۋ كوميتەتى Wildberries ينتەرنەت-دۇكەنىنىڭ باسشىلىعىمەن بىرلەسە وتىرىپ، قازاقستاندىق تۇتىنۋشىلارىنا وسى دۇكەننىڭ كليەنتتەرىنە قاراجاتتى قايتارۋ بويىنشا جۇمىس جۇرگىزۋدە.

قىركۇيەك ايىنىڭ ەكىنشى جارتىسىنان باستاپ بۇگىنگە دەيىن ينتەرنەت-دۇكەنگە قاتىستى سوماسى 3،9 ملن تەڭگەنى قۇرايتىن بارلىعى 90-نان استام ازاماتتىڭ شاعىمى كەلىپ ءتۇستى.

كوميتەت قابىلداعان شارالاردىڭ (كەلىس­سوزدەر، رەسمي حات الماسۋ) ناتيجە­سىندە سوماسى 3،2 ملن تەڭگەنى قۇرايتىن 66 تۇتىنۋشىعا قاراجات قايتارىلدى. تۇتىنۋ­شىلاردىڭ قۇقىقتارىن قورعاۋ كومي­تەتىنە جۇگىنگەن باسقا تۇتىنۋ­شى­لارعا قاراجات 2020 جىلدىڭ قازان ايى­نىڭ سوڭىنا دەيىن قايتارىلاتىن بولادى.

Wildberries ينتەرنەت-دۇكەنىنىڭ اقپارا­تى بويىنشا، قاراجاتتى قايتارۋ­دى راسىمدەگەن كەزدە اقشا سول كۇنى اۋدارىلادى، سودان كەيىن بانك قاراجاتتى تۇتىنۋشىعا اۋدارادى. اعىمداعى اقشا اۋدارىمىنىڭ كەشىگۋى Wildberries شوتىنا قىزمەت كورسەتەتىن بانكتىڭ تەحنيكالىق ماسەلەسىنە بايلانىستى بولىپ وتىر.

Wildberries ينتەرنەت-دۇكەنىنەن قارا­جاتتى قايتارۋدى كۇتىپ جۇرگەن قازاق­ستان­دىق تۇتىنۋشىلاردىڭ جالپى سانى بەلگىسىز. وسىعان بايلانىستى اتالعان كومپانيا قاراجاتتى قايتارماعان جاعدايدا تۇتىنۋ­شىلاردىڭ قۇقىقتارىن قورعاۋ كومي­­تەتىنە نەمەسە تۇتىنۋشىلاردىڭ قۇ­قىق­­تارىن قورعاۋ جونىندەگى وڭىرلىك دە­پار­­تا­مەنتكە جۇگىنۋدى، سونداي-اق شا­عىم­دى ونلاين تۇردە: @kzpp_bot تەلە­گرام-بوت نەمەسە ەلەكتروندىق ۇكىمەت پورتالى ارقىلى بەرۋدى سۇرايدى.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار