ازاماتتىق قورعاۋ ورگاندارىنىڭ 25 جىلدىعىنا وراي بىرقاتار قۇتقارۋشى ماراپاتتالدى

قوعام • 21 قازان، 2020

ازاماتتىق قورعاۋ ورگاندارىنىڭ 25 جىلدىعىنا وراي بىرقاتار قۇتقارۋشى ماراپاتتالدى

7 رەت كورسەتىلدى

ازاماتتىق قورعاۋ ورگاندارىنىڭ قۇرىلعانىنا 25 جىل تولۋىنا وراي تجد-ءنىڭ 75-تەن استام قىزمەتكەرى ماراپاتتالدى. قۇتقارۋشىلارعا "حالىق العىسى" مەدالى، "ۇزدىك قۇتقارۋشى" توسبەلگىسى جانە العىس حاتتار تابىستالدى، دەپ حابارلايدى Egemen.kz ەلوردا اكىمىنىڭ ءباسپاسوز قىزمەتىنە سىلتەمە جاساپ.

Marzhan Tileubekova

"25 جىل بۇرىن قالادا ەكى ءورت ءسوندىرۋ ءبولىمى بولعان. بۇگىنگى تاڭدا ولاردىڭ سانى - 12، 18 بولىمگە دەيىن كوبەيتىلەتىن بولادى. ءبىز قۇتقارعان ادامداردىڭ سانىمەن ماقتانامىز. 25 جىل ىشىندە نۇر-سۇلتاندا 8055 ادام قۇتقارىلدى، 42 مىڭنان استام ادام تج ايماعىنان ەۆاكۋاتسيالاندى، 2 مىڭنان استام ادامعا العاشقى مەديتسينالىق كومەك كورسەتىلدى"، – دەپ اتاپ ءوتتى ازاماتتىق قورعاۋ پولكوۆنيگى، قالالىق تج دەپارتامەنتىنىڭ باستىعى باۋىرجان سىزدىقوۆ.

ونىڭ ايتۋىنشا، جەرگىلىكتى اتقارۋشى ورگانمەن بىرلەسىپ قار باسۋدىڭ، سۋ تاسقىنى مەن ءورتتىڭ الدىن الۋ بويىنشا جۇمىستار جۇرگىزىلۋدە.

"قىس مەزگىلىندە قار قۇرساۋىنان 1088 ادام قۇتقارىلدى. ونىڭ ىشىندە 25 ادام – جۇكتى ايەلدەر. وكىنىشكە قاراي، بارلىق توتەنشە جاعدايلاردىڭ ىشىندەگى ەڭ كوپ كەزدەسەتىنى – ءورت جاعدايى. بۇل باعىتتا اكىمدىكپەن بىرلەسىپ جۇمىس جالعاسۋدا. جىل سايىن نۇر-سۇلتان قالاسىنىڭ قاۋىپسىزدىگىن قامتاماسىز ەتۋ دەڭگەيى جوعارىلاي بەرەدى دەپ سەنەمىن"، – دەدى پولكوۆنيك.

ەسكە سالا كەتەيىك، 19 قازان قازاقستاندا قۇتقارۋشىلار كۇنى اتالىپ ءوتتى. قر پرەزيدەنتى قۇتقارۋ قىزمەتىنە ەرەكشە مارتەبە بەردى. مەملەكەت باسشىسى قازاقستان حالقىنا جولداۋىندا توتەنشە جاعدايلار مينيسترلىگىن قايتا قۇرۋدىڭ ماڭىزدىلىعىن اتاپ ءوتتى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز