توتەنشە جاعدايلار مينيسترلىگىنىڭ رەسمي وكىلى تالعات ءۋاليدىڭ ايتۋىنشا, 21 قازان, ساعات 00:07-دە قاراعاندىداعى "اراي" بازارىندا ءورت شىققانى تۋرالى حابارلاما كەلىپ تۇسكەن.
ء"ورت شىققان جەرگە دەيىن جەتۋ ۋاقىتى التى مينۋتتى قۇرادى. كەلگەن كەزدە بازار اۋماعىندا كونتەينەرلەر اشىق جالىنمەن جانىپ جاتقاندىعى انىقتالدى. ءورتتى ءسوندىرۋ نىساندا ەلەكتر قۋاتى جوق بولۋىمەن, سونداي-اق ءورتتى جاقىن ماڭداعى باسقا كونتەينەرلەرگە اۋىستىرۋ قاۋپىنە بايلانىستى قيىندادى. ىرگەلەس كونتەينەرلەر اشىلدى. ءورت سوندىرۋشىلەر ودان ماتەريالدىق قۇندىلىقتاردى قۇتقاردى", دەدى ول.
ءورتتى سوندىرۋگە 50 ادام مەن قاراعاندى وبلىسىنىڭ توتەنشە جاعدايلار تەحنيكاسىنىڭ 11 بىرلىگى جۇمىلدىرىلعان. قابىلدانعان شارالارمەن ءورت 01:23-تە ءسوندىرىلدى.
سونداي-اق, جانىپ جاتقان كونتەينەرلەردىڭ بىرىنەن قۇتقارۋشىلار كوپ مولشەردە اقشا تاپتى, مەنشىك قۇقىعىن ورناتقاننان كەيىن اقشا يەسىنە قايتارىلعان.
قۇربان بولعاندار مەن زارداپ شەككەندەر جوق. ءورتتىڭ سەبەبى انىقتالىپ جاتىر.
