الەم • 20 قازان، 2020

بريتان پارلامەنتىنىڭ قازاقستانمەن جالپىپارتيالىق توبى بەس جىلدىعىن اتاپ وتۋدە

25 رەت كورسەتىلدى

قازاقستاننىڭ ۇلىبريتانياداعى ەلشىلىگى بريتان پارلامەنتىنىڭ قازاقستانمەن ىنتىماقتاستىق جونىندەگى جالپىپارتيالىق توبى قۇرىلۋىنىڭ 5-جىلدىعىنا ارنالعان ونلاين ءىس-شارا ۇيىمداستىردى. بۇل تۋرالى ءسىم ءباسپاسوز قىزمەتى حابارلادى.

قر سىرتقى ىستەر ءمينيسترى مۇحتار تىلەۋبەردى بريتان پارلامەنتتىك توپ مۇشەلەرىنە بەينەفورماتتا العىسوزىن جولدادى. ول قازاقستان مەن قۇراما كورولدىك اراسىنداعى ەكىجاقتى پارلامەنتارالىق ىنتىماقتاستىق دەڭگەيىن جوعارى باعالادى. بريتاندىق زاڭ شىعارۋشىلار پاندەميا اياقتالعاننان كەيىن قازاقستانعا ساپارمەن كەلۋگە شاقىرىلدى.

"قازاقستان تاۋەلسىزدىگىنىڭ العاشقى كۇندەرىنەن باستاپ ۇلىبريتانيا ارقاشان ەلىمىزدىڭ ماڭىزدى سەرىكتەستەرىنىڭ ءبىرى بولدى. سوڭعى ونجىلدىقتار بويى ەكىجاقتى قارىم-قاتىناستارىمىز ىنتىماقتاستىقتىڭ بارلىق سپەكترى بويىنشا قارقىندى دامىپ كەلە جاتىر، ال پارلامەنتتىك ديپلوماتيا ارقاشان دا سول ىنتىماقتاستىقتىڭ اجىراماس بولىگى بولىپ كەلەدى"، – دەپ اتاپ ءوتتى مينيستر.

جالپىپارتيالىق پارلامەنتتىك توپتىڭ توراعاسى، كونسەرۆاتيۆتى پارتيادان قاۋىمدار پالاتاسىنىڭ دەپۋتاتى بوب ستيۋارت ەكىجاقتى پارلامەنتتىك بايلانىستاردىڭ ودان ءارى تابىستى دامۋىنا سەنىم ءبىلدىرىپ، ەلدىڭ ساياسي، ەكونوميكالىق، الەۋمەتتىك جانە باسقا دا سالالاردا جۇزەگە اسىرىلىپ جاتقان ىلگەرىلەمەلى رەفورمالاردى اتاپ ءوتتى.

قازاقستاننىڭ ۇلىبريتانياداعى ەلشىسى ەرلان ىدىرىسوۆ توپ قۇرامىنىڭ كەڭەيۋىن قاناعاتتانارلىقپەن اتاپ ءوتتى. بۇگىنگى تاڭدا توپ قۇرامىنا بريتان پارلامەنتىنىڭ ەكى پالاتاسىنىڭ جانە ءتۇرلى پارتيالاردىڭ وكىلدەرى بولىپ تابىلاتىن 17 دەپۋتات كىرەدى.

قازاقستانمەن ىنتىماقتاستىق جونىندەگى جالپىپارتيالىق پارلامەنتتىك توپ پارلامەنتارالىق ديالوگتى دامىتۋ ماقساتىندا العاش رەت 2015 جىلدىڭ كۇزىندە بريتان پارلامەنتىندە تىركەلدى. توپ وكىلدەرى پارلامەنتتىڭ بەلسەندى مۇشەلەرى بولىپ تابىلادى. ولاردىڭ قۇزىرەتىنە سىرتقى ساياسات، قورعانىس، بارلاۋ جانە قاۋىپسىزدىك، قارۋ-جاراق ەكسپورتىن باقىلاۋ، ەكونوميكا، ساۋدا، عىلىم جانە ءبىلىم ماسەلەلەرى كىرەدى. توپ قۇرىلعان ساتتەن باستاپ ۇلىبريتانيا مەن قازاقستاننىڭ پارلامەنتتىك دەلەگاتسيالارىنىڭ وننان استام ءوزارا ساپارلارى ءوتتى.

سوڭعى جاڭالىقتار

ىندەت جۇقتىرعاندار سانى كوبەيدى

كوروناۆيرۋس • بۇگىن، 13:58

سەمەيگە جاڭا اكىم تاعايىندالدى

تاعايىنداۋ • بۇگىن، 11:57

الماتىدا 10 كىتاپحانا جاڭارتىلدى

ايماقتار • بۇگىن، 10:47

قازاقستان «قىزىل» ايماققا كىردى

قازاقستان • بۇگىن، 09:30

ۇقساس جاڭالىقتار