اتالعان زاڭ بۇزۋشىلىقتار قالا اكىمدىگىنىڭ جانىنان قۇرىلعان مونيتورينگتىك توپتىڭ قالالىق پوليتسيا باسقارماسىمەن بىرلەسىپ جۇرگىزگەن رەيد جۇمىستارى بارىسىندا انىقتالدى. كارانتين كەزىندە سانيتارلىق تالاپتاردىڭ ساقتالۋىن باقىلاۋ ماقساتىندا جۇرگىزىلگەن رەيدتىك ءىس-شارا كەزىندە ەسكەرتۋدى ەلەمەي ۇيىمداستىرىلعان 19 ءداستۇرلى وتباسىلىق توي توقتاتىلىپ, شەكتەۋ شارالارىنىڭ شەگىنەن شىققان 6 كومپيۋتەرلىك ويىن-ساۋىق ورتالىعىنا انىقتاما تولتىرىلىپ, شارا كورۋ ءۇشىن ۋاكىلەتتى ورگانعا جولداندى.
رەيد بارىسىندا قالا ورتالىعىنداعى "Esperanza" مەيرامحاناسى, س.تورايعىروۆ كوشەسى مەن استانا داڭعىلىندا جەكە اۋلادا ۇيىمداستىرىلعان ۇيلەنۋ تويلارى, قوساسار جانە كاسپي كوشەلەرىندەگى قۇدالىق تويلارى توقتاتىلىپ, "بۋنكەر", "سوۆور", "I game" پلەستەيشين جانە كومپيۋتەرلىك ورتالىقتارىنىڭ جۇمىس جاساپ تۇرعانى بەلىگىلى بولىپ, ويىن-ساۋىق ورتالىعىنىڭ اكىمشىسىنە انىقتاما تولتىرىلدى.
ايتا كەتەيىك, مونيتورينگتىك توپ ىندەتپەن كۇرەستىڭ العاشقى كۇنىنەن مەنشىك نىسانىنا قاراماستان بارلىق سۋبەكتىلەردىڭ سانيتاريالىق-دەزينفەكتسيالىق تالاپتاردى ساقتاۋىن قاداعالاپ, ءتيىستى ءتۇسىندىرۋ جۇمىستارىن جۇرگىزىپ كەلەدى. بۇگىنگە دەيىن مونيتورينگتىك توپ 10 000-عا جۋىق نىساندى ارالاپ, رەيد جۇمىستارىن جۇرگىزدى.
قازىرگى تاڭدا قالالىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسى تاراپىنان كارانتين رەجيمىن ساقتاماعان 134 تۇلعاعا اكىمشىلىك حاتتاما تولتىرىلىپ, شارا كورىلدى.
