"قۇرمەتتى دوستار! ەلباسى, "Nur Otan" پارتياسىنىڭ ليدەرى نۇرسۇلتان نازارباەۆتىڭ تاپسىرماسىمەن "Birgemiz" قوعامدىق قورى تولەم جاساۋدىڭ 5-ءشى تولقىنىن اياقتادى. ەلىمىزدىڭ بارلىق ءوڭىرى بويىنشا تاعى ەڭ مۇقتاج 100 مىڭنان استام وتباسى 50 مىڭ تەڭگەدەن الدى. سونىمەن, بارلىعى 650 مىڭنان استام وتباسى نەمەسە 2,2 ملن قازاقستاندىق تىكەلەي قارجىلىق قولداۋمەن قامتىلدى", دەپ جازدى ب.بايبەك.
ونىڭ ايتۋىنشا, قور قاراجاتى ەسەبىنەن 2 مىڭنان استام مەديتسينا قىزمەتكەرىنە قولداۋ كورسەتىلگەن, سۋ باسۋدان زارداپ شەككەن ماقتاارال تۇرعىندارىنا 20 جاڭا ءۇي سالىنعان. #BizBirgemiz اكتسياسى اياسىندا 320 مىڭداي وتباسى ازىق-ت ۇلىك سەبەتتەرىمەن جانە ءبىرىنشى كەزەكتە قاجەتتى تاۋارلارمەن قامتاماسىز ەتىلىپ, حالىق اراسىنداعى قورعانىسى ءالسىز 100 مىڭ وتباسىعا 5 ميلليون ماسكا تەگىن تاراتىلعان-دى.
"ەلباسى باستاماسىمەن قورعا 34 ملرد تەڭگەدەي قاراجات جيناعان بارشا دەمەۋشىلەر مەن مەتسەناتتارعا تاعى دا العىس ايتقىم كەلەدى. كوروناۆيرۋسپەن كۇرەس كەزەڭىندە مۇقتاجدارعا قولداۋ كورسەتۋ بويىنشا وسىناۋ يگى ىسكە اتسالىسا وتىرىپ, ەلىمىز بەن حالقىمىز قاجىرلىلىق پەن اۋىزبىرشىلىكتىڭ ۇلگىسىن كورسەتتى!" - دەپ جازدى باۋىرجان بايبەك.
