ساياسات • 14 قازان، 2020

نۇر-سۇلتان مەن ۇلان-باتىر ەكىجاقتى ىنتىماقتاستىقتىڭ پەرسپەكتيۆالارىن تالقىلادى

25 رەت كورسەتىلدى

بەينەكونفەرەنتسيا رەجىمىندە قازاقستان مەن موڭعوليا اراسىندا كەزەكتى سىمارالىق ساياسي كونسۋلتاتسيالار ءوتتى، دەپ حابارلايدى Egemen.kzء سىم ءباسپاسوز قىزمەتىنە سىلتەمە جاساپ.

تاراپتار 2019 جىلى قازاندا موڭعوليا پرەمەر-ءمينيسترىنىڭ قازاقستانعا جاساعان رەسمي ساپارى قوسىمشا سەرپىن بەرگەن ەكى ەل اراسىنداعى جان-جاقتى ىنتىماقتاستىقتىڭ قارقىندى دامۋىن قاناعاتتانۋشىلىقپەن اتاپ ءوتتى.

ءىس-شارا بارىسىندا نىعايىپ كەلە جاتقان ساۋدا-ەكونوميكالىق ءىس-قيمىلعا ەرەكشە ءمان بەرىلدى. سىرتقى ساياسي مەكەمەلەردىڭ وكىلدەرى بيىل قازاقستان-موڭعوليا ۇكىمەتارالىق كوميسسياسىنىڭ 8-ءشى وتىرىسىن وتكىزۋ ماڭىزدىلىعىن راستادى. بۇدان باسقا، ەكى ەل اراسىنداعى شارت-قۇقىقتىق نەگىزدى ودان ءارى كەڭەيتۋ ماسەلەلەرى تالقىلاندى.

كونسۋلتاتسيا اياسىندا تاراپتار مادەني-گۋمانيتارلىق ىنتىماقتاستىقتى ودان ءارى دامىتۋعا دەگەن ۇمتىلىستى راستادى. قازاقستان تاراپى موڭعولياداعى ەتنيكالىق قازاقتارعا كورسەتىلىپ وتىرعان قولداۋ ءۇشىن موڭعول تاراپىنا العىس ءبىلدىردى.

ءبىزدىڭ ەلىمىزدىڭ كوپجاقتى فورماتتا، ونىڭ ىشىندە بىرىككەن ۇلتتار ۇيىمى، ازياداعى ءوزارا سەنىم جانە ىقپالداستىق شارالار كەڭەسى، اتوم ەنەرگياسى جونىندەگى حالىقارالىق ۇيىم جانە ت.ب. شەڭبەرىندە ءوزارا ءىس-قيمىل جاساۋ ماسەلەلەرى كەلىسسوزدەردىڭ بولەك تاقىرىبى رەتىندە تالقىلاندى. ديپلوماتتار حالىقارالىق ۇيىمدار اياسىندا ءوزارا قولداۋ ءۇردىسىن جالعاستىرۋ، سونداي-اق حالىقارالىق ساحناداعى نۇر-سۇلتان مەن ۇلان-باتىردىڭ باستامالارىنا ەلدەردىڭ بەلسەندى قاتىسۋدىڭ ماڭىزدىلىعىن اتاپ ءوتتى.

ءىس-شاراعا ءسىم ازيا-تىنىق مۇحيت ءوڭىرى دەپارتامەنتىنىڭ ديرەكتورى ن.ارىستانوۆ، موڭعولياداعى قر ەلشىسى ج.ادىلباەۆ، موڭعوليا ءسىم ازيا جانە تىنىق مۇحيت دەپارتامەنتىنىڭ ديرەكتورى ە.سارانتوگوس، سونداي-اق قر-داعى موڭعوليا ەلشىسى ل.باتتۋلگا قاتىستى.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار