ء"سىزدى تۋعان كۇنىڭىزبەن قۇتتىقتايمىن! ءوزىڭىزدى وتانداستارىمىز شىعارماشىلىق جولداعى ىزدەنىستەرگە تولى ەڭبەگىمەن, ادامي اسىل قاسيەتتەرىمەن ابىرويعا بولەنگەن قالامى ۇشقىر جازۋشى ءəرى دراماتۋرگ رەتىندە جاقسى بىلەدى جəنە قۇرمەتتەيدى. الداعى ۋاقىتتا دا ەل əدەبيەتىنىڭ وركەندەۋىنە سۇبەلى ۇلەس قوسىپ, تاعىلىمى مول قۇندى دۇنيەلەرىڭىزدى اسىعا كۇتەتىن ويلى وقىرماندارىڭىزدى جاڭا تۋىندىلارىڭىزبەن قۋانتا بەرۋىڭىزگە تىلەكتەستىگىمدى بىلدىرەمىن. سىزگە زور دەنساۋلىق جəنە وتباسىڭىزعا قۇت-بەرەكە تىلەيمىن", دەلىنگەن مەملەكەت باسشىسىنىڭ قۇتتىقتاۋ حاتىندا.
سونىمەن قاتار اقتوتى رايىمقۇلوۆا روزا مۇقانوۆانى مينيسترلىك اتىنان دا قۇتتىقتاپ, قىزمەتىنە تابىس تىلەدى.
ء"سىزدى تۋعان كۇنىڭىزبەن شىن جۇرەكتەن قۇتتىقتايمىن! ەگەمەن ەلىمىز əلەمدىك قاۋىمداستىق الدىندا سان سالادا قارقىندى دامۋدا. وسى ورايدا ءسىز ۇلى دالا ەلىنىڭ مəدەنيەتىن وركەندەتۋگە سۇبەلى ۇلەس قوسىپ كەلە جاتقان ۇشقىر ويلى جازۋشى, ارداقتى ۇستازسىز. تەرەڭ پايىم, تولعانىس پەن ىشكى سەزىم ارپالىسىنا تولى, كۇللى ادامزاتقا ورتاق دۇنيەتانىم يىرىمدەرى قانىق شىعارمالارىڭىزبەن əدەبيەت سالاسىندا تىڭ قۇبىلىس قالىپتاستىردىڭىز. "جارىق دۇنيە", "دۇنيە كەزەك", "قۇدىرەت-كيە" əڭگىمەلەر جيناعىڭىزبەن تالعامپاز وقىرماننىڭ جوعارى باعاسىنا يە بولىپ كەلەسىز. "ماڭگىلىك بالا بەينە", "مىسىقتار پاتشالىعى", "شاتىر استىنداعى مەن" جəنە وزگە دە قويىلىمدارىڭىز ساحنا تورىندە زەرەك كورەرمەننىڭ كوكجيەگىن كەڭەيتىپ جاتقان ومىرشەڭ تۋىندىلار. لايىم قاناتىڭىز تالماي, قاجىر-قايراتىڭىز ارتا بەرسىن. الداعى ۋاقىتتا دا ەسەلى ەڭبەگىڭىز بەرەكەلى بولىپ, قالام سەرتىن قالتقىسىز اتقارا بەرۋىڭىزگە تىلەكتەسپىن. وسىناۋ ەرەكشە ءسəتتى پايدالانا وتىرىپ, سىزگە ۇزاق عۇمىر, زور دەنساۋلىق, شىعارماشىلىق شابىت, قىزمەتتە تابىس, وتباسىڭىزعا اماندىق پەن ورتايماس نەسىبە-دəۋلەت تىلەيمىن!", دەلىنگەن ءمينيستردىڭ قۇتتىقتاۋ حاتىندا.
ءوز كەزەگىندە قالامگەر مەملەكەت باسشىسىنا العىسىن ايتتى.
ايتا كەتەيىك, روزا مۇقانوۆا قازاقستان جاستار وداعى سىيلىعىنىڭ, ت.ايبەرگەنوۆ اتىنداعى سىيلىقتىڭ (1989), حالىقارالىق "الاش" ادەبي سىيلىعىنىڭ لاۋرەاتى (2002). سونىمەن قاتار "شاتىر استىنداعى مەن" پەساسى مەملەكەتتىك گرانت جۇلدەسىنىڭ (2008), ەۋروپا قوعامداستىعىنىڭ شەشىمى بويىنشا ادەبيەتكە سىڭىرگەن ەڭبەگى ءۇشىن فرانتس كافكا اتىنداعى مەدالدىڭ يەگەرى (2011).
