يبراگيم كۇلشىمباەۆ 1972 جىلى قاراعاندى وبلىسىندا دۇنيەگە كەلگەن. 1994 جىلى قاراعاندى پوليتەحنيكالىق ينستيتۋتىن, 2004 جىلى رەسەي تجم ازاماتتىق قورعاۋ اكادەمياسىن تامامداعان. ەڭبەك جولىن 1994 جىلى قاراعاندى وبلىسى, نۇرا اۋدانى, امانتاۋ كەڭشارىندا اۆتوپارك مەحانيگى بولىپ باستاعان.
1996-1999 جىلدارى — قورعانىس مينيسترلىگى 1-ارميا كورپۋسى 78 تانك ديۆيزياسى 143 تانك پولكىنىڭ شتاب باستىعىنىڭ ورىنباسارى, تانك ۆزۆودىنىڭ كومانديرى. 2000-2004 جىلدارى — قر تجم 52859 اسكەري ءبولىمى روتا كومانديرىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى.
2004-2005 جىلدارى — قاراعاندى وبلىستىق توتەنشە جاعدايلار باسقارماسى دايىندىق جانە وقىتۋ ورتالىعىنىڭ ءبولىم باسشىسىنىڭ ورىنباسارى.
2005 جىلدان باستاپ 2009 جىلعا دەيىن قاراعاندى وبلىسىنىڭ توتەنشە جاعدايلار دەپارتامەنتىنىڭ قۇرىلىمىندا جۇمىس ىستەدى.
2009-2013 جىلدارى تابيعي جانە تەحنوگەندىك سيپاتتاعى توتەنشە جاعدايلاردى جويۋ مىندەتتەرىن ورىندايتىن قر تجم 52859 اسكەري بولىمىنە باسشىلىق ەتتى.
2013-2016 جىلدارى — استانا قالاسى توتەنشە جاعدايلار دەپارتامەنتى باسشىسىنىڭ ورىنباسارى.
2016 جىلدان باستاپ قازىرگى تاڭعا دەيىن قاراعاندى وبلىسىنىڭ توتەنشە جاعدايلار دەپارتامەنتىنىڭ باسشىسى قىزمەتىن اتقاردى.
