ءباا-گە جۇمىس ساپارى بارىسىندا ەلوردا اكىمى التاي كولگىنوۆ پەن ادىلەت ءمينيسترى مارات بەكەتاەۆ ۇلەستى باسقارۋ جونىندەگى اتقارۋشى ديرەكتور فاحاد ءال ماحمۋدپەن, جوبالاردى باسقارۋ جونىندەگى باس ديرەكتور يبراگيم ءال ماگريبيمەن, جوبا ديرەكتورى جانە "Aldar Properties" كومپانياسىنىڭ باقىلاۋ جونىندەگى ديرەكتورمەن كەزدەستى.
قۇرىلىس كومپانياسى Arabtec Holding جوباسىنىڭ باس مەردىگەرىنىڭ كۇردەلى قارجىلىق جاعدايى "ابۋ-دابي پلازا" قۇرىلىسىنىڭ اياقتالۋىنا اسەر ەتپەيتىنىن اتاپ ءوتتى. كەزدەسۋدە اراب كومپانياسى وكىلدەرى سەندىرگەندەي, Covid-19 كارانتين شارالارىنا بايلانىستى نىساندى 2021 جىلى تولىق اياقتاۋ جوسپارلانىپ وتىر. ايتا كەتەيىك, ساۋدا-ويىن-ساۋىق ورتالىعى, قوناق ءۇي كەشەنى سياقتى كوپفۋنكتسيونالدى كەشەننىڭ بىرقاتار نىسانى 2019 جىلدىڭ جەلتوقسانىندا جانە 2020 جىلدىڭ ناۋرىزىندا اشىلدى.
سونىمەن قاتار ساپار بارىسىندا ەلوردا اكىمى التاي كولگىنوۆ شەتەلدىك ينۆەستورلارمەن كەزدەستى. تاراپتار جەكە ينۆەستيتسيالار ەسەبىنەن نۇر-سۇلتاندا ءبىلىم, مەديتسينا, تۋريزم جانە ت.ب. سالاداعى بىرقاتار ماڭىزدى جوبانى جۇزەگە اسىرۋعا كەلىستى. بۇل قالا ەكونوميكاسىنا جەكە ينۆەستيتسيا تارتىپ, جۇمىس ورىندارىن قۇرۋعا مۇمكىندىك بەرەدى.
