مەديتسينا • 13 قازان، 2020

دارىگەرلەرگە ماتەريالدىق قولداۋ كورسەتۋ ءۇشىن بيۋدجەت شىعىسى ارتتى

15 رەت كورسەتىلدى

دارىگەرلەرگە ماتەريالدىق قولداۋ كورسەتۋ ءۇشىن بيۋدجەت شىعىسى ارتتى. بۇل تۋرالى ۇكىمەت باسشىسىنىڭ ورىنباسارى ءاليحان سمايىلوۆ ايتىپ بەردى، دەپ حابارلايدى Egemen.kz

"2020 جىلعا ارنالعان ماكروەكونوميكالىق كورسەتكىشتەردىڭ ناقتىلانۋى – ەلدەگى قازىرگى جاعدايدى جانە الەمدىك كونيۋكتۋرانى ەسكەرە وتىرىپ، قالىپتاستىرىلدى. بولجام وزگەرىستەرى ناقتى سەكتور ءوسىمىنىڭ ساقتالۋىن جانە قىزمەتتەر سالاسىنىڭ ءبىرتىندىپ قالپىنا كەلۋىن قامتاماسىز ەتۋگە باعىتتالعان. مەملەكەت باسشىسىنىڭ تاپسىرماسىنا سايكەس ناقتىلاۋدىڭ نەگىزگى مىندەتى – دارىگەرلەرگە ماتەريالدىق قولداۋ كورسەتۋ جانە پاندەميانىڭ تارالۋىنىڭ ىقتيمال ەكىنشى تولقىنى بويىنشا الدىن الۋ شارالارىن قابىلداۋ بولدى. وسى مىندەتتەردى شەشۋ ءۇشىن بيۋدجەت شىعىستارى ۇلعايتىلدى"، دەيدى ءاليحان سمايىلوۆ.

ۇكىمەتتەن بولىنگەن 236 ملرد تەڭگەنىڭ جارتىسىنان كوبى يگەرىلمەگەنى بەلگىلى بولدى. وسىعان وراي ءاليحان سمايىلوۆ مەملەكەتتىك ورگاندار مەن جەرگىلىكتى اتقارۋشى ورگانداردىڭ باسشىلارىنا بيۋدجەت قاراجاتىن تەز ارادا يگەرۋ كەرەك ەكەنىن ەسكەرتتى.

ۇكىمەت باسشىسىنىڭ ورىنباسارى: "قارجى جىلىنىڭ اياقتالۋىنا 55 جۇمىس كۇنى قالدى. ناقتىلاۋدى ەسكەرە وتىرىپ، وسى جىلدىڭ سوڭىنا دەيىن 4،2 ملرد تەڭگەنى يگەرۋ قاجەت. كەيبىر شىعىستار بويىنشا ءالى كۇنگە دەيىن كونكۋرستىق راسىمدەر اياقتالماعانىن كورىپ وتىرمىز. جوسپارلانعان بيۋدجەتتىك باعدارلامالاردان باسقا شۇعىل ماقساتتارعا ۇكىمەت رەزەرۆىنەن قوسىمشا 236 ملرد تەڭگە بولىنگەن. قازىرگى تاڭدا بار بولعانى ونىڭ 111 ملرد تەڭگەسى نەمەسە 47 پايىزى عانا يگەرىلدى"، دەپ اتاپ ءوتتى.

 

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار