بروندى دوڭگەلەكتى ماشينالاردىڭ الەمدىك نارىعىنا مونيتورينگ جۇرگىزۋ شەڭبەرىندە يندۋستريا جانە ينفراقۇرىلىمدىق دامۋ مينيسترلىگى قر قك ماماندارىنىڭ «Otokar» تۇرىك كومپانياسى شىعارعان 8ح8 دوڭگەلەكتى فورمۋلاسى بار «Arma» بدم-نىڭ جاۋىنگەرلىك مۇمكىندىكتەرىن تاجىريبەلىك زەردەلەۋىن ۇيىمداستىردى.
ماشينا NATO ستاندارتتارىنا سايكەس كەلەتىن جوعارى ۇتقىرلىققا, بالليستيكالىق جانە ميناعا قارسى قورعاۋدىڭ جەتكىلىكتى دەڭگەيىنە يە. تەرەڭدىگى 1,8 مەترگە دەيىن ءجۇزۋ كەزىندە سۋ كەدەرگىلەرىنەن وتۋگە مۇمكىندىگى بار. جىلدامدىعى ساعاتىنا 8 شاقىرىمدى قۇرايدى. Arma ءارتۇرلى جاعدايدا جانە قازىرگى زامانعى ۇرىس الاڭىندا قارۋ-جاراق كاليبرى 7,62 مم-دەن 105 مم-گە دەيىن جەتەتىن قۇرىلعىدان تۇراتىن پلاتفورمانى بەيىمدەۋگە مۇمكىندىك بەرەدى.
سىناقتار ءۇشىن ماشينالاردىڭ كەلەسى تۇرلەرى: ءورتتى قولداۋ ماشيناسى, تاپسىرىس بەرۋشىنىڭ تالابى بويىنشا جابدىقتى ورناتاتىن بارلاۋ ماشيناسى, كوماندالىق-شتابتىق ماشينا, ينجەنەرلىك, سانيتارلىق, ەۆاكۋاتسيالىق جانە امفيبيالىق نۇسقاسى دا ۇسىنىلادى.
ەڭ العاشقى سىناقتار 2020 جىلدىڭ ناۋرىز ايىندا كۇندىزگى جانە تۇنگى ۋاقىتتا, قاراعاندى وبلىسىنىڭ وقۋ پوليگونىندا, ۇزىندىعى 6 شاقىرىمعا دەيىنگى باعىتتا, سونداي-اق بيىكتىگى 30-دان 65 سم-گە دەيىنگى قار جامىلعىسىن ەڭسەرە وتىرىپ جۇرگىزىلدى. اتۋ سىناقتارى تاجىريبەلىك اتۋلار جۇرگىزۋ ارقىلى كۇندىزگى جانە تۇنگى ۋاقىتتا وتكىزىلدى.
جۇمىس توبى بروندى دوڭگەلەكتى ماشينانىڭ شىعارۋشىلارمەن ۇسىنىلعان سيپاتتامالارعا سايكەس كەلەتىندىگىن راستايدى.
«Otokar» كومپانياسى بدم-نىڭ تاكتيكالىق-تەحنيكالىق, اتۋ جانە پايدالانۋ مۇمكىندىكتەرىن جان-جاقتى زەردەلەۋ ماقساتىندا ونى قازاقستاننىڭ ءتۇرلى كليماتتىق جاعدايلارىندا تاجىريبەلىك اسكەري پايدالانۋدى جۇرگىزۋ ءۇشىن, ونىڭ ىشىندە سۋ كەدەرگىلەرىن ەڭسەرۋگە تەكسەرۋدى قوسا, وتەۋسىز نەگىزدە ۇسىنىپ وتىر.
سونداي-اق, «Otokar» كومپانياسى بدم-دە تاپسىرىس بەرۋشىلەردىڭ تالاپتارىنا سايكەس كەلەتىن كەز كەلگەن جاۋىنگەرلىك ءمودۋلدى ورناتۋ بويىنشا كومەك كورسەتۋگە دايىن ەكەندىگىن ءبىلدىردى.
