اڭگىمە بارىسىندا قازاقستان پرەزيدەنتى ەلدىڭ يندۋستريالىق-يننوۆاتسيالىق دامۋىنىڭ ماڭىزدىلىعى, مەملەكەتتىڭ ەكونوميكاداعى ءرولى تۋرالى ساۋالدارعا جاۋاپ بەردى, دەپ حابارلايدى اقوردانىڭ ءباسپاسوز قىزمەتى.
نۇرسۇلتان نازارباەۆ سونداي-اق ەۋرازيالىق ەكونوميكالىق وداق ەلدەرى ىنتىماقتاستىعىنىڭ پەرسپەكتيۆالارى, ەاەو-نىڭ باسقا دا مەملەكەتارالىق ەكونوميكالىق بىرلەستىكتەر جانە جەكەلەگەن ەلدەرمەن ءوزارا ءىس-قيمىلىنىڭ ىقتيمال پەرسپەكتيۆالارى جايلى ايتىپ ءوتتى.
مەملەكەت باسشىسى قازاقستان استاناسىنىڭ رەبرەندينگى, رەسپۋبليكاداعى جاستاردىڭ ءبىلىم دەڭگەيىن ارتتىرۋ, ءبىلىم بەرۋ ۇردىسىندەگى ۇشتىلدىلىكتىڭ ماڭىزدىلىعى جونىندەگى ماسەلەلەرگە توقتالدى.
بۇدان بولەك, قازاقستان پرەزيدەنتى ورتالىق ازياداعى تەرروريزم مەن ەكسترەميزمنىڭ پايدا بولۋىنىڭ الدىن الۋداعى ۇقشۇ-عا قاتىسۋشى ەلدەردىڭ كەشەندى ۇستانىمىنىڭ وزەكتىلىگىن اتاپ ءوتتى.
سۇحبات سوڭىندا نۇرسۇلتان نازارباەۆ «روسسيا 24» تەلەارناسىنا شىعارماشىلىق تابىس, ال كورشىلەس ەلدەردىڭ ازاماتتارىنا زور دەنساۋلىق پەن باق-بەرەكە تىلەدى.
