"جاپپاي تارتىپسىزدىكتەر ناتيجەسىندە تۋىنداعان زورلىق-زومبىلىقپەن جانە ادامداردىڭ ءومىرى مەن دەنساۋلىعىنا قاتەر توندىرۋمەن ۇشتاساتىن قالىپتاسقان جاعدايعا بايلانىستى, سونداي-اق قىرعىز رەسپۋبليكاسى كونستيتۋتسياسىنىڭ 15-بابىنا, 64-بابى 9-بولىگىنىڭ 2-تارماعىنا جانە "توتەنشە جاعداي تۋرالى" قىرعىز رەسپۋبليكاسى كونستيتۋتسيالىق زاڭىنىڭ 3, 4, 7, 8-باپتارىنا سايكەس ازاماتتاردىڭ ءومىرى مەن دەنساۋلىعىن, ولاردىڭ قاۋىپسىزدىگىن قورعاۋدى قامتاماسىز ەتۋ مۇددەسىندە, بۇدان بولەك, بىشكەك قالاسىنىڭ اۋماعىندا قوعامدىق ءتارتىپتى قامتاماسىز ەتۋ ماقساتىندا:
قىرعىز رەسپۋبليكاسى بىشكەك قالاسىنىڭ اۋماعىندا 2020 جىلعى 12 قازاندا ساعات 20.00-دەن 2020 جىلعى 19 قازاندا ساعات 07.00-گە دەيىن توتەنشە جاعداي ەنگىزىلەدى", دەلىنگەن حابارلامادا.
ەسكە سالا كەتەيىك, 9 قازاندا سوورونباي جەەنبەكوۆ بىشكەكتە توتەنشە جاعداي رەجيمىن ەنگىزدى. ول 21 قازانعا دەيىن سوزىلۋى كەرەك ەدى.
