جىل ساناپ ەلورداداعى ۆولونتەرلەر سانى دا كوبەيىپ كەلەدى. جاعدايى قيىن جاندارعا قولۇشىن سوزىپ, كومەگىن ايامايتىن جاستاردىڭ قاتارى قالىڭ ەكەندىگى قۋانتادى. «استانا جاستارىنىڭ» وزىندە 2,5 مىڭنان استام ەرىكتى بار. ولار ۆولونتەرلىكتىڭ ءبىر رەتتىك شارا ەمەس, كۇندەلىكتى ءومىردىڭ بىرىنە اينالعانىن ايتادى.
«بۇكىل الەمدە ەرىكتىلەر قىزمەتىنە ەرەكشە نازار اۋدارىلادى. شەتەلدىك جوو-عا وقۋعا ءتۇسۋ كەزىندە ۆولونتەرلىك تاجىريبەنىڭ ارتىقشىلىعى بار. باسقالارعا كومەكتەسۋگە دايىن, قامقور ازاماتتارىمىزدىڭ كوپ ەكەنىنە قۋانىشتىمىن», دەيدى ۆولونتەر ميراس مۇراتوۆ. ول بۇل قىزمەتتە قاريالاردىڭ باتاسىن الۋ ەڭ ۇلكەن قۇرمەت ەكەنىن جەتكىزدى. ء«وزىم قاتىسقان العاشقى ۇلكەن شارادا ءبىزدى ءبىر كۇشتىڭ بىرىكتىرگەنىن سەزدىم. ول بىرلىك ەدى. قىستا جانە كوكتەم كەلگەندە جەكە تۇرعىن ۇيلەردىڭ اۋماعىن قار مەن مۇزدان تازارتۋ ءۇشىن قىزدار مەن ۇلدار بولىپ كومەككە ءجيى باراتىنبىز. كوبىنە كومەككە جالعىزباستى قارتتار مۇقتاج. توپتىڭ ەڭ كىشىسى بولعان سوڭ ۇنەمى ۇيلەردىڭ شاتىرىن قاردان تازارتۋعا مەنى جىبەرەتىن. كەيبىر اجەلەر ءبىزدى ەستەن شىعارماي, قار تازالاعاننان كەيىن شايعا شاقىرادى. مەن ءۇشىن ۆولونتەرلىكتەن الاتىن ەڭ قۇندى نارسە – ادامداردىڭ شىنايى العىسى», دەيدى ميراس.
«استانا جاستارى» ۆولونتەرلەردى قاتارىنا قابىلداماستان بۇرىن ولاردى ارنايى مەكتەپتە وقىتادى. بيىل 300-گە جۋىق ۆولونتەردى وقىتۋدى جوسپارلاپ وتىر ەكەن. ۇيىمدا ۆولونتەر بولعىسى كەلەتىندەر ءۇش كەزەڭنەن تۇراتىن وقۋدان ءوتۋى كەرەك. «الدىمەن باستاپقى دايىندىق كۋرسىنان وتەدى. وندا العاشقى مەديتسينالىق كومەك كورسەتۋدى ۇيرەتەدى, ءتۇرلى پسيحولوگيالىق ترەنينگتەر دە بار», دەيدى نۇر-سۇلتان اكىمدىگىنىڭ «استانا جاستارى» باسشىسى شىڭعىس تىلەۋلين.
باستاپقى دايىندىق شامامەن ون ساباقتان تۇرادى. ودان كەيىن مامانداندىرۋ كۋرسى وتەدى. ۆولونتەرلەر باعىتتارعا بولىنەدى. «توتەنشە جاعدايلارداعى كومەككە قاتىسقىسى كەلەتىندەر ماماندارمەن بىرگە دايارلىقتان ءوتىپ, وقۋ-جاتتىعۋ جيىندارىنا بارادى. سونىمەن قاتار حالىقارالىق ەرىكتىلەر مەن الەۋمەتتىك ەرىكتىلەرگە ارنالعان ترەنينگتەر وتكىزىلەدى. ءارى قاراي تىكەلەي اكتسيالار كەزىندە پراكتيكالىق ساباقتار بولادى», دەدى «استانا جاستارىنىڭ» باسشىسى.
ۇيىمدا 2014 جىلدان باستاپ 2 مىڭنان استام ۆولونتەر دايارلىقتان ءوتىپتى. ولار ارىس قالاسىن قالپىنا كەلتىرۋگە كومەكتەستى, پاندەميا كەزىندە مۇقتاجدارعا كومەك كورسەتىپ, ماسكالار تاراتتى جانە بۇعان دەيىن قازاقستاننىڭ استاناسىندا وتكەن حالىقارالىق ءىس-شارالارعا دا بەلسەنە قاتىسقان.
جاقىندا قالالىق ۆولونتەرلەر شتابى الماتى اۋدانى اكىمدىگىمەن بىرلەسە وتىرىپ, اۋدانداعى 50 قارتقا الەۋمەتتىك كومەك كورسەتكەن. جالپى, ەگدە جاستاعى تۇرعىندارعا كومەك بەرۋ – ەلوردالىق جاستاردىڭ جىلداعى ءداستۇرى. قىركۇيەك-قازان ايلارىندا دا كومەككە مۇقتاج جانداردىڭ اۋلاسىن, ءۇي-ءىشىن تازالاپ, 30-عا جۋىعىنا ارنايى ازىق-ت ۇلىك سەبەتى جەتكىزىلەدى. ال ارداگەرلەرگە قانداي كومەك قاجەت ەكەنى تۋرالى اقپاراتتى اۋداندىق ارداگەرلەر كەڭەسى بەرىپ وتىرادى.
«جىل باسىنان بەرى جۇزدەن استام قارتتىڭ اۋلاسىن قوقىستان تازارتىپ, ءۇي-شارۋاسىنا كومەكتەسۋ, ازىق-ت ۇلىك الىپ كەلۋ سەكىلدى جۇمىستاردى اتقارىپ كەلەمىز. جەڭىستىڭ 75 جىلدىعىنا ارناپ ارداگەرلەردىڭ اۋلاسىندا مەملەكەتتىك اكادەميالىق فيلارمونياسىمەن بىرگە شاعىن كونتسەرتتىك باعدارلاما دا ۇسىندىق. تۇرمىسقا قاجەتتى الەۋمەتتىك سەبەتتەر دە تاراتىلدى. قورعانىس مينيسترلىگىمەن بىرىگىپ, تىل ارداگەرلەرىنە مەدالدارىن تابىس ەتۋمەن دە اينالىستىق. سەبەبى كارانتين كەزىندە قارتتاردىڭ سىرتقا شىعۋى قاۋىپتى ەدى. سونىمەن قاتار ءدارى-دارمەكتەر مەن ۆيرۋستان قورعانۋ قۇرالدارىن جەتكىزىپ بەردىك», دەيدى نۇر-سۇلتان قالالىق جاستار ساياساتى باسقارماسىنىڭ ءبولىم باسشىسى اقۇلان تاستەمىر.
بۇگىنگە دەيىن از قامتىلعان 150-دەن استام قارتقا ازىق-ت ۇلىك سەبەتى تابىستالعان. كومەك قاجەت ەتەتىن ەگدە جاستاعى ازاماتتار 109 Iكomek ورتالىعىنا ءوتىنىش بەرسە دە بولادى.
