قازاقستانداعى ماقتا سالاسى نەگىزىنەن ەكسپورتقا باعىتتالعاندىقتان, ونداعى باعا ساياساتى سىرتقى نارىقتاعى ونىمگە سۇرانىس نەگىزىندە قالىپتاسادى. اعىمداعى جىلى قازاقستاندىق ماقتا نارىعىندا شەتەلدىك كومپانيالاردىڭ بەلسەندىلىگىنە الەمدەگى كۇردەلى ەپيدەميولوگيالىق جاعداي مەن ەۋروپاداعى كوروناۆيرۋستىڭ ەكىنشى تولقىنىنىڭ تارالۋى اسەر ەتتى.
ساتىپ الۋ باعاسىن انىقتاۋ ماسەلەسىن رەتتەۋ ءۇشىن قر اۋىل شارۋاشىلىعى ءبىرىنشى ۆيتسە-ءمينيسترى ا.ساپاروۆتىڭ توراعالىعىمەن تۇركىستان وبلىسىنىڭ اۋىل شارۋاشىلىعى باسقارماسى مەن قازاقستاندىق ماقتا قاۋىمداستىعى جانە ماقتا وڭدەۋ زاۋىتتارى باسشىلارىنىڭ قاتىسۋىمەن كەڭەس ءوتتى.
كەڭەس قورىتىندىسى بويىنشا اعىمداعى جىلدىڭ 9 قازانىندا قازاقستاندىق ماقتا قاۋىمداستىعى ماقتا دايىنداۋشىلار جانە قايتا وڭدەۋشىلەردىڭ جينالىسىن وتكىزدى. وندا ونىمدەردى ساتىپ الۋ باعاسى - 1 جانە 2-ءشى سۇرىپتى ماقتانىڭ 1 كەلىسى ءۇشىن كەمىندە 130 تەڭگە بولىپ بەكىتىلدى.
